Matiu 11:12 - God Vonana Vovokaravina

¹² Rorova Jon idimadima ma ibababataito ma nani maranai ivi karei da ipisi karako na God ina vikiivavona ere rewapanina erakarakata. Ma bade wawaya kawakiikiisi na God ina vikiivavona ikawapatei.

Matiu 11:12 Referans Kwoze

Luk 16:16

“Moses ina vonaviyoyovana ma peroperoveta aviyavisina igirugirumi na tanununuri da Jon Babataito ina ku mara. Nani maranai ivi karei da ku karako na wawaya God ina vikiivavona edimadimei ma wawaya peyarisi ipaparana da ina rui.

Luk 13:24

“Kovi paparana da ku matuketa gisina kona rui, iyamna wawaya ipeyari ina bera tovoni da ina rui ma kara ke kovokovoghina.

Pilipai 2:12

Turaturaku, tami nuwanuwaku. Rorova taku gwabimiyai na mara nonowa kovovotekatekeku. Ma karako na taku ke gwabimiyai, tuna kubiine Keriso notanai kovotekateka kamowa. Ma ami yawasa kamonai na ere yabuyabumanimi ma ere kirokiroromi koni paparana kirakai da God kona votekatekei na koni matakira da namada ivi yawasimi,

Jon 6:27

Ke vavai kava kubiine kona biga iyamna tuna ina bero. Ma vavai sago kubiine koni paparana da kona viiya, tuna na yawasa makamakii nonowina. Ma nani vavina na Wawaya Natusi ina veremi, iyamna rewapana ma matakira Mamai God gwabinai iviiya da vavina ina rereghi.”

Matiu 3:15

Ma Yesu ivonapotei bo, “Kegha vaghina, tam kuna babataitoku. Weni nakanani taberai, iyamna bera maninina ma God ina kayowana.” Ma Jon ivi vaghinei.

Matiu 11:11

Vonavaghata avonavonemi da Jon Babataito na wawaya ghamana. Dobuwai kotekwa na ke sago wawaya kota panani da Jon ita ghekuyowei. Ma kegha da God ina vikiivavona kamonai na wawayota kana vava ke ita rakata na tuna ighe kirakai da Jon ighekuyowei.

Matiu 11:13

Moses ma peroperoveta kudubisi vonaverena igirugirumi i mariyai da Jon Babataito ina ku mara na ivonavoneta da mara sago God ina vikiivavona ita nekiibau na karako enenekiibau.