Matiu 1:18 - God Vonana Vovokaravina

¹⁸ Yesu Keriso na weni nakanani itupuwa. Ina maduwa Meri na Josepa kana vopapara. Muriyai da ita ravaghi na Meri damina iviiya da Kanuma Vovokaravina ina rewapanai iropeya.

Matiu 1:18 Referans Kwoze

Hibru 10:5

Tuna kubiine Keriso, maranai weni ku dobuna ipisi na ivona bo, “Tam ghamoghamo suwarisi ma verena viya ke kuta kayokayowei, tuna kubiine tupuwa sago kuvovunaghi kubiiku da ana suwarei.

Genesis 3:15

Ma ana berai da tam ma wavinena koni kawapata. Ma bade peim ma wavinena peina yavata ini kawapata nonowa. Mara sago kaekarena kuna kani ma gayamim ini tugudai.”

Hibru 7:26

Suwara kapuna badana nakanani takayokayowei, iyamna tuna na vovokaravina ma ke sago aviyavisina ita bera beroi. Tuna ina yawasa na miirara kiikiina. Ma God ivoviviri da berabero wawayisi kii boga. Ma bade ivokavari da ku kunuma vovona.

Luk 1:25

Ma Elisabet ivona bo, “Weni berana Bada kubiiku iberai. Karako ivi kamyuyuweku da kaku vinimaya aku wawaya kamosiyai ivi koviya.”

Matiu 1:1

Kimta ma kimta kamonai na Yesu Keriso ina kaekiki mau kii vava girumina na weni. Yesu na Kiivavo David tupurereghina, ma David na Abraham tupurereghina.

Matiu 2:11

Ma nani ku numana irui na wawaya kikei ina maduwa yavata ikitisi. Ma ivi tuwaporeruruwana, ma wawaya kikei ivokavakavari. Ma i kutu ivi votaweyana da kamonai gold, frankinsens ma meya iyuna da wawaya kikei isuwarei.

Matiu 12:46

Yesu patana da ivivi sisiya koroto kurisi ma ina maduwa ma titina yoghoyogho inekiibau da kawakawarai imiiri ma i kayowana da Yesu kurina iti sisiya.

Luk 2:5

Josepa kana vopapara Meri na roperopeyina ma tuna yavata inae da iti vavatura.