Mak 9:22 - God Vonana Vovokaravina

²² Mara ipeyari itawei ku keyama karakaratina ma ku okowa, virabobona kubiine. Kade, kovokovoghina bo kegha da kuni kamyuyuwekai ma kuni vitekai?”

Mak 9:22 Referans Kwoze

Luk 7:13

Ma Bada Yesu kwapurina ikitai da ivi kamyuyuwei na ivonei bo, “Ke kuna tou.”

Mak 5:19

Ma Yesu ke iti vaghinei, ivonapotei bo, “Kegha, kenae am ku numa ma am rakaraka kuna vonesi da aviyavisina Bada iberai kurim. Kevi akovisi da ivi kamyuyuwem.”

Matiu 20:34

Ma Yesu ivi kamyuyuwesi ma matasi ivotovoni. Yaghiyaghinai ikitabanenega ma Yesu ikivini.

Matiu 14:31

Ma Yesu ivororona, imana ivotani ma itinepai. Ma ivonei bo, “Am nota igisi, avi kubiine ke kuti tumaghaneku?”

Matiu 9:28

Yesu ku numa sago irui na bade matapotapotasi ikivini da irui. Ma ivi tarakiiyanesi bo, “Koitumaghana da taku kovokovoghina da ani yawasimi, bo?” Ma ivonapotei bo, “E, vaghina, Bada, kaitumaghanem.”

Matiu 8:2

Ma tomowa sago, kana gubaga giipo na ipisi ma maghinonai ivi tuwaporeruruwana ma ivona bo, “Bada, kuna kayowei na kuni biibiiniku.”

Matiu 17:15

“Bada, natuku kevi kamyuyuwei. Eparoparoro ma evovokwarakwara kirakai. Mara ipeyari epekupeku ku keyama karakaratina ma ku okowa.

Mak 9:21

Ma Yesu tomowa kikei ina mamai ivi tarakiiyanei bo, “Mara avai weni gubagina gwabinai ivi karei?” Ma ivonapotei bo, “Namadani kava, gisinai ivi karei.

Mak 9:23

Ma Yesu ivonapotei bo, “Avi kubiine kuvona bo, ‘kovokovoghina bo kegha?’ Wawaya ini tumaghana na kovokovoghina da ina tupuwa.”