Mak 8:31 - God Vonana Vovokaravina

³¹ Yesu ivi karei da kana kivikivina ivonavonaviakovisi bo, “Taku Wawaya Natusi ana vokwarakwara kirakai. Ma Jiu damsi i babada ma taparoro babadisi i babada ma vonaviyoyovana vibeyebeyena wawayisi ina bareku. Ini raboboku ma mara viarobina kamonai na ana vomiiri.”

Mak 8:31 Referans Kwoze

Apasol 7:35

Ma Sitivin patana da ivivi sisiya Sanhidran babadisi kurisi na ivonesi bo, “Israel damsi namada Moses ivonabarei ma ivonei bo, ‘Iyi vibadana iverem da kuni tupavirekai?’ Ma God tuna mani Moses ivinei maranai kiikiiruku ikarakarai na kamonai aneya irumatara Moses kurina. Ivinei da Israel damsi iti badesi ma i vokwarakwara kamonai iti yawasisi.

Jon 2:19

Yesu ivonapotesi bo, “Weni Taparoro Numana kona tinarikai ma mara viarobina kamonai ana ruepa meyei.”

Luk 24:26

Kotakovi da God ina kayowana da ina Vivinevine Wawayina iti kamaghi kirakiiyei ma ita rabobo ma murinai kana ku kadara ita rui.”

Luk 17:25

Ma kunona Wawaya Natusi ina kiivikamaghiyei ma weni kimtina ina barei.

Mak 12:10

Ma tami na giruma katamana kovi yavi na damina koviini bo kegha? Igiruma bo, ‘Vonura damsi wakima ibarei, Ma Bada nani wakimina iviiya ma iterei da tepanai numa vuna ivowai.

Matiu 21:42

Ma Yesu ivi tarakiiyanesi bo, “Giruma katamana kovi yavi bo kegha? Ivona bo, ‘Vonura damsi wakima ibarei. Ma Bada nani wakimina iviiya ma iterei da tepanai numa vuna ivowai. Weni berana Bada iberai na ibiibii kirakai kurita.’ ”

Matiu 12:40

Ikikava Jona mara aroba ma didibara aroba iyana ghamanakina kamokamona kamonai imakai, nakanani ina tupuwa Wawaya Natusi kurina da mara aroba ma didibara aroba tano kamonai ina kena.

1 Korint 15:4

ma idogoi ma mara viarobina kamonai rabobowai ivomiiri. Giruma katamana ikikava ivona na berana itupuwa.

Luk 24:44

Ma ivonesi bo, “Rorova yavata tamakamakai na avonemi da aviyavisina Moses ina vonaviyoyovana ma peroperoveta ma Psalms kamonai igirugirumi da ita tupuwa kuriku na God ina kayowana da kudubina ina tupuwa.”

Jon 12:48

Ma iyavo kava taku ibareku ma aku sisiya ibarei, mara damonai wawaya sago ini tupaviresi ma kovogha ina veresi, iyamna namada vonavaghata ke iti vaghinei. Ma tuna ini debei da ti na berabero wawayisi,

Matiu 27:63

Ivonei bo, “Bada, Yesu na viviberona ma kanotanotai da ivona bo, ‘Ana rabobo ma mara viarobina kamonai rabobowai ana vomiiri.’