Mak 5:33 - God Vonana Vovokaravina

³³ Ma wavinena iakovi da aviyavisina itupuwa kurina ma ipisi Yesu kurina da maghinonai ivi tuwaporeruruwana ma maghighina ioru ku tano. Iyabumana kirakai ma ere kirokirorona vonavaghata kudubina ivi mamatarei.

Mak 5:33 Referans Kwoze

Luk 8:47

Ma wavinena damina iviiya da ke kovokovoghina da gavunai itonagha da ita nae na ere kirokirorona ipisi Yesu kurina ma maghinonai itawotei. Ma koroto maghinosiyai ivi mamatara da avi kubiine Yesu ivotovoni ma ikikava yaghiyaghinai iyawasa.

Luk 1:29

Ma Meri weni sisiyina ivi yanei na nuwanuwana ikarai ma ivi nuwanotanota da avi kubiine nakanani ivi kiikiiwei.

Luk 1:12

Maranai Zekaraya aneya ikitai na itataghana ma nuwanuwana ikaragavovori.

Mak 4:41

Ma kegha, peyarisi iyabumana kirakai ma ti mani kamosiyai ivivi sisiya karakarava bo, “Wena avi tomowina da bade yanunu ma tovava evovotekatekei!”

Mak 5:32

Ma Yesu patana da ikitakitavirevire da iyi iberai.

Mak 5:34

Ma Yesu ivona bo, “Wavine, am vitumaghana kubiine kuyawasa. Nuwanubiiyai kenae. Weni gubagina kamonai kuvovokwarakwara na karako kukiibutawei.”