Mak 4:41 - God Vonana Vovokaravina

⁴¹ Ma kegha, peyarisi iyabumana kirakai ma ti mani kamosiyai ivivi sisiya karakarava bo, “Wena avi tomowina da bade yanunu ma tovava evovotekatekei!”

Mak 4:41 Referans Kwoze

Luk 8:25

Ma kana kivikivina ivonesi bo, “Ami vitumaghana kegha, bo?” Ma kana kivikivina iyabumana ma inota kavakavai. Ma ti mani kamosiyai ivonavona bo, “Wena tomowa sago, sisiya bagibagina iterei na bade yanunu da tovava ivotekatekei!”

Matiu 8:27

Ma kana kivikivina inota kavakavai ma ivona bo, “Wena tomowa sago! Ivona, ma yanunu da tovava ivotekatekei!”

Revelation 15:4

O Bada, wawaya kudubisi eyabuyabumanem ma kam vava ighegheni iyamna kam kadara irakata. Tam kava na vovokaravim. Dam ma dam kudubisi ina pisi da maghinomuwai ma ina vokavakavarim, iyamna wawaya kudubisi ikitai da am bera na maninisi kavakava.”

Mak 5:33

Ma wavinena iakovi da aviyavisina itupuwa kurina ma ipisi Yesu kurina da maghinonai ivi tuwaporeruruwana ma maghighina ioru ku tano. Iyabumana kirakai ma ere kirokirorona vonavaghata kudubina ivi mamatarei.

Hibru 12:28

Tota na vikiivavona makamakii nonowina ku kamona tarui, tuna kubiine na God tikiikiiwei ma ere yabuyabumanita tavopepeta ma tavokavakavara bubuni da ini nuwabiibiiyei,

Luk 4:36

Wawaya peyarisi ivi deyei ma ti mani kamosiyai ivona bo, “Te! Ikikava da weni nakanani ibeyebeyena? Ma bade rewapana gwabinai da sisiya bagibagisi etereterei na kanuma beroberosi evovotekatekei ma ekiikiibau.”

Matiu 14:32

Ma ivi ruwa igerugeru ku waka na yanunu inuba.

Mak 7:37

Wawaya peyarisi inotanota kavai da ivonavona bo, “Bera peyarina eberabera bubuni! Ma bade tinapotapotasi da iyana ma kawabutabutasi da isisiya!”

Mak 4:40

Ma kana kivikivina kurisi ivona bo, “Avi kubiine koyabuyabumana? Patana da ke kota vivitumaghaneku, bo?”

Mak 5:1

Yesu kana kivikivina yavata Gariri tokana idamani ma iwota. Dobuna kana vava Gerasa.