Mak 2:28 - God Vonana Vovokaravina

²⁸ Ma Wawaya Natusi na Bada. Ma nani kamonai na bade viyakam marana ibadei.”

Mak 2:28 Referans Kwoze

Matiu 12:8

Ma viyakam marana badana na taku, Wawaya Natusi.”

Revelation 1:10

Bada ina taparoro marana sago kamonai na avovokavakavara ma Kanuma Vovokaravina iviiniku na murikuwai wawaya gamona ghamana nakanani ma ture avi yanei.

Epesas 1:22

Ma God rewapana Keriso iverei da bera kudubina kae gaburinai emakamakai. Ma ivinei da tuna na ekalesiya gayamina,

Jon 5:17

Ma Yesu ivonesi bo, “Aku Mamai mara nonowa ebigabiga, tuna kubiine taku bade nakanani ana biga.”

Luk 6:5

Muriyai ivonesi bo, “Taku Wawaya Natusi na viyakam marana kana bada.”

Jon 9:16

Ma Perisi damsi viya ivona bo, “Yesu na ke God gwabinai ita pisi, iyamna viyakam marana ke ita vovokaravei.” Ma viya ivona bo, “Berabero wawayina na ke kovokovoghina da matakira ghamaghamasi ita berai.” Tuna kubiine Perisi damsi ti mani kamosiyai ivi bogebogesi.

Mak 3:4

Ma Perisi damsi ivi tarakiiyanesi bo, “Vonaviyoyovana kamonai na aviyavisina ivi vaghinei da viyakam maranai kata berai? Bera biibiisi bo bera beroberosi? Wawaya tiyawasisi bo takiiviberosi?” Ma ti na kawasi ipota.

Mak 2:27

Muriyai ivonesi bo, “Wawaya iyamonisi ma kubiisi viyakam marana iterei da iti vitesi. Ma ke viyakam marana ita terei iti nao ma muriyai wawaya ita yamonisi.

Mak 3:1

Viyakam marana sago na Yesu ivovirame ku kiki numana. Ma numana kamonai na tomowa sago imana gibegibesina.