Mak 15:2 - God Vonana Vovokaravina

² Ma Pailat, Yesu ivonei bo, “Tam Jiu damsi i kiivavo bo?” Ma Yesu ivonapotei bo, “E, ikikava kisisiya na taku nakanani.”

Mak 15:2 Referans Kwoze

Matiu 2:2

ma ivivi tarakiiyana bo, “Jiu damsi i kiivavo wekarakava itupuwa na imapatana? Ina tupuwa matakirina na gwamegwame maramatanai kakitai ma kapisi da kata vokavakavari.”

1 Timoti 6:13

God na bera kudubina dobuwai iyamoni. Ma Yesu Keriso na vonavaghata kudubina ivi mamatarei maranai Pontiyas Pailat maghinonai imiimiiri da ivivi tupavirevirei.

Mak 15:26

Ma gayamina tepanai giruma sago itutui ivi debei da avi wavuna ikavakavari. Igiruma bo, “Jiu damsi i kiivavo.”

Mak 15:18

Ma ivi karei da ivonavonavinamei bo, “Kiiwa kiiwa! Tam Jiu damsi i kiivavo ghamam!”

Mak 15:12

Ma Pailat ivona bo, “Ma aviyavisina ana berai weni tomowina kurina, tami kovonavona da tuna na Jiu dami ami kiivavo?”

Mak 15:9

Ma Pailat koroto ivi tarakiiyanesi bo, “Ami kayowana iyai? Kokayokayowei da Jiu dami ami kiivavo ana votawei, bo?”

Mak 15:3

Ma taparoro babadisi i babada wavu kudubina Yesu kurina iterei.