Mak 14:61 - God Vonana Vovokaravina

⁶¹ Ma Yesu kawana ipota da ke sago ita vonapotei. Ma bade ivona bo, “Tam na God ina Vivinevine Wawayina bo kegha? God tavovokavakavari ma vonavaghata bo kegha da tam na natuna?”

Mak 14:61 Referans Kwoze

Mak 15:2

Ma Pailat, Yesu ivonei bo, “Tam Jiu damsi i kiivavo bo?” Ma Yesu ivonapotei bo, “E, ikikava kisisiya na taku nakanani.”

Jon 19:7

Ma ivonapotei bo, “Tokai akii vonaviyoyovana kamonai evonavona da ita rabobo, iyamna ivonavona da tuna na God Natuna.”

1 Pita 2:23

Wawaya ivi avaberowei na ke iti avaberowesi. Ivokwarakwara ma kamonai na ke ita vonesi da karakava biwana ita viiya. Ina nota God kurina iterei da mara sago tuna wawaya ini tupaviresi ma vonavaghata tepanai ina vonakiiyaragha da iyi berona ma iyi biibiina.

Jon 10:36

Tuna kubiine ke kona vona da God aiavaberowei maranai avonavona da taku na God Natuna, iyamna God ivinetaweku da tuna rapenai ma ivonataweku ku dobu.

Jon 1:34

Taku akitai na aidebei da tuna na God Natuna.”

Matiu 16:16

Ma Saimon Pita ivonapotei bo, “Tam na God ina Vivinevine Wawayina. Tam na God Yawayawana Natuna.”

Matiu 8:29

Ma Yesu kurina ikiirara bo, “Avi kuna berai kurikai? Tam God Natuna. Kupisi da kovogha kuna verekai, bo? Kovogha kana mara vaghata na karakava.”

Matiu 3:17

Ma nani kamonai kunumai God gamona ivona bo, “Weni tuna na natuku vaghata. Tuna na nuwanuwaku, ainuwabiibiiyei.”

1 Timoti 6:15

Ma God tuna kava iakovi da avi maranai ina vovira. God na vovokaravina ma ina kina kava na bera kudubina kana Bada. Tuna kiikiivavo i Kiivavo ma babada i Bada.

1 Timoti 1:11

Ma God ivi tumaghaneku da kana kadara kubiine nani vibeyebeyena kiimatanina ati beyebeyena. Ma Keriso varana biibiina kuriku ivi damani da ata dimei.

Apasol 8:32

Ma giruma katamana ivivi yavi na weni, “Tuna nakanani ma sipu, irutinaneyei da iti raboboi, Ma nakanani ma sipu gegeyina, vunivunina eboribori na ke ita tutou, Tuna bade nakanani, ke iti sisiya.

Jon 19:9

Tuna kubiine Yesu irutinaruwei ina ku numa ma ivi tarakiiyana meyei bo, “Tam mimei kupisi?” Ma Yesu ke sago ita vonapotei.

Jon 18:37

Ma Pailat ivi tarakiiyanei bo, “Nakanani na tam kiivavo bo?” Yesu ivonapotei bo, “Vaghina kevonavona. Weni ku dobuna atupuwa na iyamna sago kava, tuna na vonavaghata videbena kubiine apisi. Iyavo kava vonavaghata itumaghanei na aku sisiya iyanei ma evovotekatekei.”

Jon 10:24

Ma Jiu babadisi imiiriviviri ma ivonei bo, “Mara iguri ghagha da kekiikiigudugudukai. Mikeda tam God ina Vivinevine Wawayina na kevona bubunikai.”

Mak 14:60

Vaghina ma, taparoro badana ghamana ivomiiri da peyarisi maghinosiyai Yesu ivi tarakiiyanei bo, “Weni wawayisi iwavum na kam papara kuna vowai bo? Kade i sisiya kuna kovoghi bo kegha?”