Mak 14:5 - God Vonana Vovokaravina

⁵ Tuna iti gimarei na mane ghamana ita panani da wawaya moyamoyakisi ita veresi.” Ma wavinena iyegha kirakiiyei.

Mak 14:5 Referans Kwoze

Jon 13:29

Viya inotai da Yesu ivonei da vavai ita gimara bo wawaya moyamoyakisi mane ita veresi, iyamna Judas na i mane kana koyakoyagha.

Jud 1:16

Nani viviberosi na mara nonowa ina vivigamowana, ina viviwavu wapawapa, aviyavisina berona ekirokirorowei na maninina ina beraberai. Ti na ekayokayotata ma viberowai wawaya ini nuwatinisi da i kayowana ina beraberai.

Pilipai 2:14

Bera kudubina kona beraberai na ke koni ruwa ma ke kona vonavikoni.

Epesas 4:28

Tami iyavo kava koyapiyapi na yapi kovoterei ma biga vaghata kovi karei da makamakii biibiina kona panani. Ma ku tepana kovokovoghina da wawaya moyamoyakisi koni vitesi.

1 Korint 10:10

Ma ke kona vonavurana. Wawaya viya nakanani iberai na God ina aneya ivonatawei da peyarisi igwaramutusi da irukwa.

Jon 6:43

Ma Yesu ivona bo, “Kamomiyai vonakunukunura kovoterei.

Jon 6:7

Ma Piripo ivonapotei bo, “Te! Ita mane ke kovokovoghina da parawa kata gimari da weni korotona kamonai gisina gisina ita kam. Kana mane ita rakata kirakai. Wawaya nawaravi 8 ita bagibagi na miiyiina ke kovokovoghina da parawa nakanani ita gimari.”

Luk 15:2

Ma Perisi damsi ma vonaviyoyovana vibeyebeyena wawayisi ivonavonakunukunura bo, “Weni tomowina berabero wawayisi ikiikiiwesi ma yavata ekamkam.”

Matiu 20:11

I miiya iyuna ma vigamowana ivi karei vao badana kurina.

Matiu 18:28

“Nani bigabiga wawayina ikiibau inenae na bigabiga kwinana ipanani. Tuna gwabinai kana tupi gisina imakamakai. Tuna kubiine kaiyona ikimopotai ma ikiirara bo, ‘Kam tupi gwabikuwai kegudui!’ ”

Mak 14:4

Wawaya viya nani berana ke iti vaghinei da ti mani inipusi ma ivona bo, “Avi kubiine oira irekwei?

Mak 14:6

Ma Yesu ivona bo, “Kovoterei, ke kona yeghai. Tuna bera biibiina ma nuwaviiviinina kuriku iberai.

Matiu 26:9

Nani oirina iti gimarei da mane ghamana ita viiya da wawaya moyamoyakisi ita veresi.”