Mak 11:20 - God Vonana Vovokaravina

²⁰ Mara itom na Yesu kana kivikivina yavata ibaba inenae ku Jerusalem ma ikitai da koweyina Yesu imagi na isivisivi ma ipoki.

Mak 11:20 Referans Kwoze

Matiu 15:13

Ma ivonapotesi bo, “Aku Mamai kunumai aviyavisina ke tuna mani imanai ita voni na ere ramramna ina tinaragutawei.

Jon 15:6

Meni wawayina ke gwabikuwai ina makai, tuna nakanani ma greipi raghana ikiiyaraghatawei ma itawei da ina poki. Ma ragharaghasi pokipokisi wawaya ina yuna da ku keyama karakaratina ini tawetaweyana da ina karai.

Mak 11:14

Ma nani kiina imagi bo, “Ke meyani wawaya amem ina kam tovoni.” Ma kana kivikivina ivi yanei da nakanani ivivi sisiya.

Matiu 13:6

madegha irarana da nani peina kudubina isivisivi ma ikaragavovori, iyamna ramramsi kegha.

Jud 1:12

Ma tami Bada avanai koinuwasago ma kokamkam patapata na nani kamna kamonai viviberosi yavata kokamkam da ami kam na epuyapuyaki, iyamna ti na vinimaya gwabisiyai kegha, ma ti mani kava enotanota meyesi. Ma bade ti na nakanani ma kwavu yanunu etapitapini ma garewa kegha. Ma ti nakanani ma kii. Kii amame kana mara ma ke itamame. Kiisi na namada ivi tinaraguwana da ramramsi yavata irabobo tuwanonowa.

Hibru 6:8

Ma tano berona na inamona ma iyiyo ina gogo da iyamna kegha. Ma God tuna tanona inimagi ma ina kapuni ina karai.

Matiu 21:18

Mara boiboiyai Yesu ivovovirame ku Jerusalem ma vitonara ikarai.

Mak 11:12

Mara itom ma Betani meyagina ikiibutawei inenae da Yesu vitonara ikarai.