Mak 10:26 - God Vonana Vovokaravina

²⁶ Kana kivikivina ivi deye kirakiiyei ma kamosiyai ti mani ivi tarakiikiiyana meyesi bo, “Nakanani na iyavo yawasa ina panani?”

Mak 10:26 Referans Kwoze

Apasol 16:31

Pol da Sailas ivonapotei bo, “Bada Yesu kuni tumaghanei na yawasa makamakii nonowina kuna panani. Tam ma am rakaraka yavata.”

2 Korint 11:23

Ti na Keriso ina bigabiga, bo? Taku bade, ma aku biga kamonai aghekuyowesi. Aisisiya nakanani ma tomowa neghaneghaku. Ma kegha da taku abiga kirakai, ma ku gabura itere kirakiiyeku, iwidi kirakiiyeku ma ku rabobo ivi riya kirakiiyeku mara ipeyari. Weni berasi kuriku itupuwa kirakai, ke ti nakanani.

Mak 7:37

Wawaya peyarisi inotanota kavai da ivonavona bo, “Bera peyarina eberabera bubuni! Ma bade tinapotapotasi da iyana ma kawabutabutasi da isisiya!”

Mak 6:51

Muriyai ku waka igeru ma yanunu inuba. Ma kana kivikivina inota kavakavai,

Luk 18:26

Iyavo kava weni sisiyina ivi yanei na ivi tarakiiyanei bo, “Nakanani na iyavo kava yawasa makamakii nonowina ina panani?”

Luk 13:23

Ma wawaya sago ivi tarakiiyanei bo, “Bada, wawaya ke peyarina yawasa makamakii nonowina ina panani, bo?” Ma ivonapotesi bo,

Mak 10:25

Ikikava ipiropiro da kamel unubu ku bonaghina ita susura na bade nakanani ipiropiro kirakai da mura wawayina ita rui God ina ku vikiivavona.”

Mak 10:27

Yesu ikita bogiisi ma ivonesi bo, “Wawaya kurisi na ke kovokovoghina. Ma God kurina na kovokovoghina, iyamna tuna kurina bera peyarina na itekateka kirakai.”