Luk 8:1 - God Vonana Vovokaravina

¹ Nani murinai Yesu ibababa da kwanatu ma meyagai nununai God varana biibiina ma ina vikiivavona idimadimei.

Luk 8:1 Referans Kwoze

Matiu 4:23

Yesu Gariri dobuna ine yavui ma kiki numasi kamosiyai ivivi beyebeyena, God ina vikiivavona idimadimei. Ma wawaya kii gubaga bogii ma bogiiyai na kudubisi ivivi yawasisi.

Rome 10:15

Ma vitumaghana damsi na dima wawayisi ke ina vonatawesi ina kiibau na iyi ina dima? Giruma katamana ivona bo, “Yonayona vara biibiina ina viini ina pisi ma maranai ina nekiibau na tinuwabiibii kirakiiyei.”

Apasol 13:32

Ma tokai na weni varana biibiina kapiyei kurimi. Ikikava God vonakiiyapa bagibagina iterei ita kaekiki katakatamanisi kurisi

Apasol 10:38

Ma bade koakovi ikikava God, Nasaret tomowa Yesu ivinei da Kanuma Vovokaravina ma rewapana iverei. Ma bade ikikava Yesu Judiya dobuna ine yavui da bera biibiisi iberaberai. Ma iyavo kava Devil imanai ivovokwarakwara na ivivi yawasisi, iyamna God gwabinai imakamakai.

Luk 4:18

“Bada kanumina gwabikuwai, Iyamna ivineku da wawaya moyamoyakisi kurisi varana biibiina ana dimei. Ivonataweku da iyavo kava gabura kamonai na ana rumamara kurisi da gabura ina kiibutawei. Ma matapotapotasi kurisi ana rumamara da ina kita. Ma bade iyavo kava wawaya ikayotiranesi da i nota ipeku na ana votawesi.

Mak 1:39

Vaghina ma Gariri dobuna ine yavui, i kiki numasi kamosiyai idimadima ma kanuma beroberosi wawaya gwabisiyai ikwavikwavinisi.

Matiu 13:19

Pei ketiyai iririgha na nakanani ma iyavo kava God varana biibiina ivi yanei ma iyamna ke itakova bubuni. Aviyavisina nuwanuwasi kamonai na Seitan ipisi da inebosi.

Matiu 11:1

Yesu kana kivikivina ivi 12 ivonavibeyebeyesi ikovi na ivomiiri da Gariri dobunai vibeyebeyena ma dima ivi karei kwanatu nunusiyai.

Matiu 9:35

Yesu ibaba inenae da kwanatu ma meyagai nununai, kiki numasiyai ivivi beyebeyena, God varana biibiina ma ina vikiivavona idimadimei. Ma wawaya kii gubaga bogii ma bogiiyai na peyarina ivivi yawasisi.

Luk 1:80

Ma vaghina, Zekaraya natuna Jon imagura ma kanumina ivi rewapana. Ma warereyai imakai inene da kana mara vaghata ipisi da ina biga iti karei ma inekiibau Israel damsi kurisi.

Luk 9:6

Ma vaghina kana kivikivina ivomiiri inae da kwanatu nununai God varana biibiina idimadimei ma gubagubagisi ivivi yawasisi.

Luk 20:1

Mara sago Yesu Taparoro Numana garina kamonai wawaya ivivi beyebeyesi ma God varana biibiina idimadimei. Ma taparoro babadisi i babada, vonaviyoyovana vibeyebeyena wawayisi ma Jiu damsi i babada ipisi kurina,