Luk 23:3 - God Vonana Vovokaravina

³ Pailat Yesu ivi tarakiiyanei bo, “Tam Jiu damsi i kiivavo, bo?” Yesu ivona bo, “Vonavaghata, vaghina kevonavona.”

Luk 23:3 Referans Kwoze

1 Timoti 6:13

God na bera kudubina dobuwai iyamoni. Ma Yesu Keriso na vonavaghata kudubina ivi mamatarei maranai Pontiyas Pailat maghinonai imiimiiri da ivivi tupavirevirei.

Jon 1:49

Ma Nataniyera ivonakiiyaragha bo, “Bada, tam God Natuna, Israel kana Kiivavo.”

Luk 22:70

Peyarisi Yesu ivi tarakiiyanei bo, “Nakanani na tam God natuna, bo?” Ivonapotesi bo, “Ikikava kovonavoneku na vonavaghata.”

Mak 15:2

Ma Pailat, Yesu ivonei bo, “Tam Jiu damsi i kiivavo bo?” Ma Yesu ivonapotei bo, “E, ikikava kisisiya na taku nakanani.”

Jon 19:3

Imiimiiriya kurina ma ivivi rekwei ma ivivi namei bo, “Kiiwa kiiwa tam Jiu damsi i kiivavo.” Ma imiiritani ma iraravi.

Luk 23:38

Ma gayamina vovonai, korosiyai, igiruma bo, ‘Weni tuna Jiu damsi i kiivavo.’

Mak 15:32

Ivona da tuna na God ina Vivinevine Wawayina ma Israel ina kiivavo. Mede wekarakava korosiyai eoru da takitai ma titumaghanei.” Ma tomotomowa ruwa Yesu yavata ituparatusi na ti bade ivi avaberowei.

Mak 15:18

Ma ivi karei da ivonavonavinamei bo, “Kiiwa kiiwa! Tam Jiu damsi i kiivavo ghamam!”

Matiu 27:11

Yesu na Judiya dobuna kana bada Pailat maghinonai imiimiiri ma Pailat ivi tupavirevirei. Ivi tarakiiyanei bo, “Tam Jiu damsi i kiivavo, bo?” Ma Yesu ivona bo, “Vaghina, kuvona bubuna.”

Jon 18:29

Ma Pailat ikiibau ku kupuna ma kurisi ivona bo, “Avi wavuna weni tomowina kovereverei?”