Luk 10:5 - God Vonana Vovokaravina

⁵ Ma wawaya i ku numa kona nekiibau da kii numataya na kovona bo, ‘Weni numanai God ina nuwanuba ina makai.’

Luk 10:5 Referans Kwoze

Epesas 2:17

Ipisi da nuwanuba varana biibiina idimei kurita. Rorova tami kupuna dami na ke sago God akovina kota viiya da konetaweyana ma kurimi idimei. Ma tokai Jiu damkai namada God akovina gisina kaviiya da ke kata netaweyana ma bade kurikai idimei.

Luk 19:9

Ma Yesu ivonapotei bo, “Karako wawaya weni numana kamonai yawasa makamakii nonowina ipanani, iyamna weni tomowina ivi tumaghana kubiine, tuna na Abraham tupurereghina vaghata.

Apasol 10:36

God varana biibiina ivonatawei Israel damsi kurisi na namada sisiyina kovi yanei. Ivonesi da Yesu Keriso avanai na nuwanuba tapanani da God yavata tinuwasago. Ma Yesu na peyarita ita Bada.

Luk 10:4

Ma ami baba kubiine, mane kana kutu ke kona kavari, wagu kegha, ma kaemi kana terepapara kana viruwa ke kona kavari. Ma ketiyai wawaya kona panani na ke kona kweya da ina guri kirakai.

Luk 10:6

Ma mikeda wawayisi na biibiisi nani numanai na God ini biibiinisi da ina nuwanuba gwabisiyai ina makai. Ma mikeda ti na ke wawaya biibiisi na God ina nuwanuba ke ina viiya.