Luk 1:51 - God Vonana Vovokaravina

⁵¹ Imana rewapaninai na bera ghamaghamasi eberaberai. Iyavo kava i nota gavugavusi kamonai ekayokayotata na ikugerisi.

Luk 1:51 Referans Kwoze

Rome 1:21

Wawaya God iakovi ma kegha da ke i kayowana da ita vokavakavari ma iti kiikiiwei. Ti na i nota kwebusi ma neghaneghasi, eberaberisi da nuwanuwasi na didibarina.

Genesis 6:5

Vaghina ma Bada ikitai da wawaya i berabero dobuwai irakata kirakai ma bade ikitai da i nota didibarisi ivovotana nonowei.

Revelation 18:8

“Ina kayotata kubiine mara sago kava kamonai na nuwapoya bogii ma bogiiyai ina panani. Gomara, vokwarakwara ma rabobo ina kamowani. Ma keyama ina karagavovori, iyamna Bada God rewapana kirakiina tuna ina vomiiri da kovogha ina verei.”

1 Pita 5:5

Tami yaraga, kudubimi na kovi vaghinei da kami vinoraveraveyana ini bademi ma kovotekatekesi. Ma tami iyavo kava koitumaghana na peyarimi ere voyaghotimi turaturami kubiisi kona biga, iyamna “God na kayotatasi emiimiiripotesi ma vovoyaghotisi na ina agabiibai evereveresi.”

2 Korint 10:5

Sisiya vibero kagheghegavovori ma kayotata sisiyisi God varana biibiina ikawapatei na kamiimiiripotei. Ma wawaya nuwanuwasi katitinavirai da nota kawakiikiisi ina voterei ma Keriso ina votekatekei.

Genesis 8:21

Bada suwara ghabuna iyoni ma nuwanuwana iviiya ma ivona bo, “Ke meyani dobu animaga meyei wawaya i berabero kubiine. Akovi da gegeyai da i ku rabobo na i nota didibarisi emakamakai. Akovi ma namanaki, ke meyani da bera yavu yawayawana ana kiipupuna meyei.

Genesis 11:8

Vaghina ma Bada ikiivisawarisi da Babilon ikiibutawei inae da dobu ine yavui. Ma kwanatuna iyamoyamoni na ivoterei.