Luk 1:13 - God Vonana Vovokaravina

¹³ Ma aneyina ivona bo, “Zekaraya, ke kuna yabumana. Am nipowana God ivi yanei. Kawam Elisabet ini tuwa da tomowa, ma koni vavei ‘Jon.’

Luk 1:13 Referans Kwoze

Apasol 10:31

Ma ivona bo, ‘Koneriyas, God am nipowana ivi yanei ma am verena moyamoyakisi kurisi na enotanotai.

Genesis 25:21

Ma Rebeka na gagarina. Tuna kubiine Aisiki inipowana Bada kurina da iti tuwa ma ina nipowana ivi yanei. Vaghina ma, Rebeka iropeya.

Luk 2:21

Meri ivi tuwa murinai mara ivi 8 ikovi na kana mara vaghata inekiibau da wawaya kikei kwimata bekana ita tuviviratawei. Ituviviri ma ivi vavei Yesu. Nani vavana na aneyina iverei ma muriyai Meri iropeya.

Genesis 18:14

Bada kurina bera kudubina itekateka kirakai. Ikikava avonemi na ina tupuwa. Murina madeghinai ana vovirame. Muriyai da ana pisi na kawam ini tuwa da tomowa.”

Matiu 14:27

Ma Yesu yaghiyaghinai ivonesi bo, “Ke kona yabumana, ami nota evirewapana. Taku.”

Genesis 17:19

Ma God ivona bo, “Vaghina, Ismayel ani biibiini. Ma aku vivaghina makamakiina na ke tuna yavata kana berai. Kawam Sera ini tuwa da natum tomowa sago ma kuni vavei Aisiki. Ma akii viruwa vivaghina makamakiina kana berai da nani vivaghinina na ina makii nonowa da tupurereghina yavata nani kamonai.

Matiu 28:5

Ma aneyina wivinesi ivonesi bo, “Ke kona yabumana. Akovi da Yesu ituparatui na tuna koekwekwai.

Genesis 17:10

Ma ita vivaghina makamakiina kamonai na tami tomotomowa kovi tuvivira. Tam ma tupurereghim murimuwai ina tuputupuwa na tomotomowa kudubimi kwimata bekami kotuviviratawei.

Luk 1:30

Ma aneyina ivona bo, “Meri, ke kuna yabumana. God ina agabiibai gwabimuwai irakata.

Mak 16:6

Ma tomowina ivonesi bo, “Ke kona yabumana. Akovi da Nasaret wawayina Yesu ituparatui na tuna koekwekwai. Rabobowai ivomiiri da ke ita makamakai. Kokitai, tupuwina weni dobunai iterei, gawarina na kwebuna.

Matiu 1:21

Meri ini tuwa da natuna tomowa ma kuni vavei Yesu, iyamna ina wawaya i berabero kamonai ini yawasisi.”

Luk 1:14

Tuna na ami nuwabiibai ma ami nuwaviina. Ma bade ina tupuwa na wawaya peyarisi ini nuwabiibiiyei.