Kolosei 3:1 - God Vonana Vovokaravina

¹ Ikikava Keriso rabobowai ivomiiri na tami bade nakanani da Keriso yavata koyawasa patapata. Tuna kubiine aviyavisina kunumai na tuna kona notai da nuwakamomiyai ina makamakai, nani gawarinai na Keriso emakamakai, God katagheyanai.

Kolosei 3:1 Referans Kwoze

Rome 8:6

Tupuwa ina kayowana beroberosi am nota ini badei na damona na rabobo kuna panani. Ma Kanuma Vovokaravina am nota ini badei na damona na nuwanuba ma yawasa biibiina kuna panani.

Matiu 6:33

Kunona God ina vikiivavona konekwai ma ina kayowana kona berai na aviyavisina mara nonowa koekwekwai da dobuwai kota makai bubuna na ina veremi.

2 Korint 4:18

Tuna kubiine tokai ke weni dobuna yawasina kata notanota kirakiiyei ma kanuma yawasina kava kanotanotatupei. Aviyavisina dobuwai kakitakitai na emakamakai da mara tupona kava. Ma aviyavisina ke kata kitakitai na tuna na makamakii nonowina.

Kolosei 3:2

Ma aviyavisina kunumai na tuna kava konota bogai ma ke ami yawasa dobuwai kona nota kirakiiyei.

Matiu 6:20

Ma God ina kayowana koberai da tuna nakanani ma ami maghara kunumai koti daburi. Ma kunumai na kaniketekete, ravuwa, ma yapiyapi kegha.

Hibru 12:2

Ma matata na Yesu kava kurina takita iyamna ita vitumaghana ina karena ma ina damona na tuna kava. Rabobo korosiyai na inimayamayana ma kegha da ivi bagunei ma ivere meyei da irabobo, iyamna iakovi da karakava nuwabiibii ghamana ina panani. Ma karako na God ina vikiivavo gawarina katagheyanai emakamakai.

Luk 12:33

Ami mura kovi gimara ma mane na moyamoyakisi kona veresi. Ami kutu ku kamona na kunuma kana mura konuwani, ke dobu kana mura. Kunuma kana mura na ke ina ravuwa, ke meyani da ina kovi, yapiyapisi ke ina kavari, ma kaniketekete ke ina kani.

Hibru 1:3

Yesu gweyurina na God kana kadara evonavonapotei, ma ivi ruwa na sago. Ma Yesu vonana ivi rewapana kirakai da gamona etereterei na bera kudubina emakamakai, ke ita wapawapa. Ma wawaya i berabero kudubina ikowatawei ikovi, ma muriyai ighae da ina Mamai rewapana kirakiina na katagheyanai imakai.

Luk 22:69

Ma karako da nokoni ku marana, Wawaya Natusi, God katagheyanai ina makai.”

Kolosei 2:20

Keriso yavata korabobo na ivotawemi da sisiya bagibagisi dobu yawasina kamonai ke ini bademi. Ma avi kubiine komakamakai da nakanani ma weni dobuna wawayimi? Avi kubiine sisiya bagibagisi konununuramakiiyei?

Hibru 8:1

Sisiya aberaberai na iyamna vaghata na weni. Tota ita suwara kapuna badana ghamana na kunumai, God ghamanakina kadakadarina katagheyanai emakamakai.

Rome 8:34

Ke sago wawaya ini wavuta da ita berabero kubiine na kovogha kata viiya. Yesu Keriso irabobo ma bade ivomiiri da God katagheyanai emakamakai, ma kubiita God kurina inowi.

Hibru 10:12

Ma ita suwara kapuna badana ghamana na mara sago kava wawaya i berabero kubiine ivere meyei da ivi suwara God kurina ma tuna suwarina na makamakii nonowina. Ma muriyai na God katagheyanai imakiivipika.

Matiu 26:64

Ma Yesu ivonapotei bo, “Vaghina, kuvona bubuna. Ma peyarimi avonavonemi da mara epipisi da taku Wawaya Natusi kona kitiku da God Rewapana Kirakiina katagheyanai ana makamakai, ma bade kona kitiku da kwavuwai anororu ku dobu.”

Epesas 4:10

Ioru na vaghina wawayina tisisiyei da muriyai ighae da ighe kirakai da bera kudubina dobuwai ma kunumai ikamowana yavui.

Mak 14:62

Ma Yesu ivona bo, “Vaghina, taku. Ma mara sago taku Wawaya Natusi kona kitiku da God Rewapana Kirakiina katagheyanai ana makamakai ma bade kona kitiku da kwavuwai anororu ku dobu.”

Hibru 1:13

Ma bade ikikava God, Yesu kurina ivi sisiya na ke meyani ina aneya sago kurina nakanani iti sisiya. Yesu kurina ivona bo, “Katagheyakuwai kemakai da kam ghavighaviya kudubina ku kae gaburim ana teresi.”

Apasol 2:34

Kiivavo David na ke kunumai ita makamakai maranai ivona bo, ‘Bada God aku Bada ivonei bo, Katagheyakuwai kemakai,

Luk 20:42

Ma David, Psalms kamonai igiruma bo, ‘Bada God aku Bada kurina ivona bo, Katagheyakuwai kuna makamakai

Mak 16:19

Bada Yesu kana kivikivina kurisi ivi sisiya ikovi na God iviitawei ighae ku kunuma da katagheyanai imakiipika.

Mak 12:36

Kanuma Vovokaravina David itowatepani da ivona bo, ‘Bada God ivi sisiya aku Bada kurina. Ivona bo, Katagheyakuwai kuna makamakai da kam ghavighaviya kudubina ku kae gaburim ana teresi.’

1 Pita 3:22

Ma Keriso na ighae ku kunuma da God katagheyanai emakamakai. Ma karako na aneya, kiikiivavo kunumai ma kanukanuma i babada na kudubisi tuna ina rewapana gaburinai emakamakai.

Apasol 7:55

Ma Kanuma Vovokaravina Sitivin itowatepani da itepa ku kunuma ma God kana kadara ikitai. Ma ikitai da Yesu, God katagheyanai imiimiiri.

Matiu 22:44

‘Bada God, aku Bada kurina ivona bo, Katagheyakuwai kuna makamakai da kam ghavighaviya kudubina ku kae gaburim ana teresi.’ ”

Epesas 5:22

Wivine, ikikava Bada kovovopepetei na bade nakanani kakawami kovopepetisi.