Jon 7:7 - God Vonana Vovokaravina

⁷ Tami na wawaya ke ita vivikawapatemi ma taku na ikawapateku, iyamna avonavonesi da aviyavisina dobuwai eberaberai na berona.

Jon 7:7 Referans Kwoze

Jon 3:19

Ikikava God wawaya ini tupaviresi ma ini wavusi na weni. Yasegana ipisi ku dobu, ma wawaya ibarei da didibara ekayokayowei, iyamna i bera na beroberosi.

Gareisiya 4:16

Vonavaghata aisisiyei kubiine na koni ghaviyeku bo?

1 Jon 4:5

Ma ti damsi na weni dobuna wawayisi, tuna kubiine na dobu yawasina isisiyei. Ma iyavo kava dobu yawasina kamonai emakamakai na i sisiya iyana bogai.

Jemes 4:4

Tami nakanani ma wawaya kawana iutudowai! Koakovi bo kegha da dobu yawasina koni nuwabiibiiyei na God koni kawapatei? Ana vona meyei, mikeda dobu yawasina kona kayokayowei na ke kovokovoghina da God koni turanei.

Jon 17:14

Vonam na namada avi damani kurisi. Ma wekarakava ti na taku nakanani, akii dobu na dobu bogiiyai. Tuna kubine weni dobuna ina wawaya ikawapatesi.

Rome 8:7

Nakanani na iyavo kava tupuwa ina kayowana beroberosi i nota ibadei na God ikawapatei, iyamna God ina vonaviyoyovana ke ita vovotekatekei, vonavaghata da ke kovokovoghina.

Luk 6:26

“Tami iyavo kava wawaya peyarisi ekawakawabiibiiyemi na koti nuwapoya kirakai, iyamna wawayisi i kaekiki mau nakanani iberai peroperoveta viviberosi kurisi.”