Jon 1:6 - God Vonana Vovokaravina

⁶ Ma God ina yonayona ivonatawei, tuna kana vava na Jon Babataito.

Jon 1:6 Referans Kwoze

Jon 3:28

Tami kovi yaneku da avi debeku, avona da taku ke God ina Vivinevine Wawayina. Ma God ivonataweku da avi nao.

Jon 1:33

Taku patana da ke atakovi da tuna iyai ma kegha da Wawayina ivonataweku da okowai abababataito tuna ivoneku bo, ‘Tomowina kuna kitai ma Kanuma Vovokaravina inoru ku tepana na tuna wawayina Kanuma Vovokaravina ina veremi.’

Apasol 13:24

Muriyai da Yesu ita nekiibau na kunona Jon, Israel damsi kudubisi kurisi idima da i bera beroberosi ita miirikupukuputei ma ita babataito.

Luk 1:76

Ma tam, natuku, ina kwatum da God Kiidamo Makamakiina ina peroveta. Kuni nao da Bada ina keta kuna vovunaghi.

Matiu 11:10

Giruma katamana kamonai God ivona bo, ‘Aku yonayona maghinomuwai ana vonatawei. Tuna am keta ina vovunaghi.’ Wawayina ivivi sisiyei na vaghina tuna, Jon.

Luk 1:13

Ma aneyina ivona bo, “Zekaraya, ke kuna yabumana. Am nipowana God ivi yanei. Kawam Elisabet ini tuwa da tomowa, ma koni vavei ‘Jon.’

Matiu 21:25

Kovona, Jon ina rewapana imapatana iviiya da ibabataito? God gwabinai iviiya bo wawayota gwabisiyai?” Ivi karei da ti mani kamosiyai ivivi sisiya bo, “Ikikava tavonapotei? Mikeda tavona bo, ‘God gwabinai’ na ina voneta bo, ‘Ma avi kubiine Jon ke koti tumaghanei?’