Jemes 1:22 - God Vonana Vovokaravina

²² Ke tam mani kuni beroberowe meyem. God vonana ke kuni yanotei, aviyavisina evonavonem na nakanani keberai.

Jemes 1:22 Referans Kwoze

Rome 2:13

Iyavo kava vonaviyoyovanina enununuri, ti damsi na God ku matana na wawaya maninisi. Ma iyavo kava iyanatawei ma ke ita nununuri na God ku matana na ke wawaya maninisi.

Jon 13:17

Wekarakava akovina koviiya da weni berasi kota berai. Kona berai na God ini biibiinimi.”

Jemes 4:17

Vaghina ma, iyi tam nota kuviiya da bera biibiina sago kuta berai ma kegha, ke kuta berai na tuna bera berona God ku matana.

1 Jon 2:3

Ikikava takova kiimatani da namada God yavata tavi nuwasago? Weni nakanani takovi. Ina sisiya bagibagisi tavotekatekei.

Luk 11:28

Ma ivonapotei bo, “Ma iyavo kava God vonana ini yanei ma ina votekatekei na God ini biibiinisi da i nuwabiibai ina rakata sasara.”

Matiu 12:50

iyamna iyavo kava aku Mamai kunumai ina kayowana eberaberai, ti na titiku yoghoyogho ma novunovuku ma aku maduwa mau.”

Kolosei 3:17

Ma aviyavisina kudubina kona beraberai bo kona vivisisiyei na Bada Yesu avanai koberai ma tuna tepanai Mamai God koni kiikiiwei.

Revelation 22:7

Ma Yesu ivona bo, “Kovi yana. Taku gisina kava ma ana pisi. Ma iyavo kava sisiya kudubina weni bukana kamonai evovotani na God ini biibiinisi.”

1 Jon 3:7

Natunatuku, tami nuwanuwaku. Kokitaruvimi da ke sago iyai ini nowe beromi da ami keta koni wapai. Iyavo kava bera maninisi kava eberaberai na God ku matana ti na wawaya maninisi, Keriso nakanani.

Jemes 1:26

Tam iyai kenotanotai da vokavakavara ketana kuakovi ma am sisiya ke kuta koyakoyagha bubuni na tam mani kiberoberowe meyem, ma am vokavakavara na iyamna kegha.

Gareisiya 6:7

Ke koni beroberowe meyemi, iyamna ke kovokovoghina da God koni beroberowei. Wawaya pei biibiina ina voni na vavina biibiina ina yabai. Ma pei berona ina voni na vavina berona ina yabai.

3 Jon 1:11

Kwinaku, tam nuwanuwaku. Ke berabero wawayisi kuni bonebonesi, kegha da bera biibiisi kava keberai. Meni wawayina bera maninisi kava ina beraberai, tuna na God natuna. Meni wawayina bera beroberosi ina beraberai, tuna na God ke itakovi.

Gareisiya 6:3

Wawaya iyai enotanotai da tuna na wawaya ghamana na kegha, tuna mani iberoberowe meyei. Tuna na wawayota.

1 Korint 6:9

Kotakova bubuni da iyavo kava patana da berabero eberaberai na God ina vikiivavona ku kamona ke ina rui. Ke wawaya ini beroberowemi da tami God ina wawaya ma berabero kona beraberai na vaghina. Vipekana wapawapasi, iyavo kava sawara yamoyamonisi erurunomesi bo turaturasi kakawasi eyapiyapi, viputona wapawapasi,

Matiu 28:20

Koni beyebeyesi da aku sisiya bagibagisi peyarina avi beyebeyemi na ina votekateke yavui. Ma konota bogai da taku mara nonowa gwabimiyai ana makamakai, karako da ku mara damona.”

1 Jon 1:8

Ma kata vona da bera beroberosi ke kata beraberai na tibero. Nakanani kati sisiya na vonavaghata gwabitiyai kegha, tota mani tiberoberowe meyeta.

Pilipai 4:8

Vaghina, varevaresiku ma novunovuku, aviyavisina biibiina ma aviyavisina wawaya ighegheni, tuna kava mara nonowa kona notanotai. Keta vaghata, bera biibiisi ma nota maninisi, ma bade aviyavisina nuwaviiviinina da takawakawabiibiiyei na ti berasi kava konota bogai.

1 Korint 15:33

Ma ke wawaya ini beroberowemi, “Wawaya maninimi ma beroberosi yavata koni kiikapu na ini nowemi da ku keta berona kona rui.”

Revelation 12:9

Ma dragon ghamanakina ina aneya yavata kunumai ikuririghisi ioru ku dobu. Tuna na vaghina mota katamana evonavonei bo Devil bo Seitan ma wawaya kudubisi dobuwai iberoberowesi da God ikawakiikiiyei.

2 Pita 2:13

Berona iberai wawaya kurisi da ivokwarakwara na God kovogha ina veresi da ti yavata ina vokwarakwara. Tupuwa ina kayowana dowadowasi inuwabiibii kirakiiyei da madeghai eberaberai da wawaya matasiyai ekitakitisi ma ke ita vivinimayei. Ti na viviberosi ma yavata kokamkam patapata na epuyapuyakimi ma kami vava iberoi.

Taitos 3:3

Rorova tota bade taneghanegha, tavi kawakiikai, ma wawaya ivi noweberota da berona taberaberai. Dobu kana yawasa nuwabiibiina takirokirorowei ma bera beroberosi bogii ma bogiiyai takayokayowana kirakiiyei da ikikava sleiv ina bada ini badei, nakanani ita kayowana beroberosi ivivi badeta. Ita yawasa kamonai na berona ma nuwakapi kavakava, wawaya ivi kawapateta na tavi kawapatesi.

1 Korint 3:18

Ke tami mani koni beroberowe meyemi. Iyavo kava kamomiyai konotanota meyemi da dobu nuwagiurisi gwabimiyai na nani nuwagiurisi kovoterei ma kobera meyemi da neghanegha nakanani da God ina nuwagiura vaghata kona viiya.

2 Timoti 3:13

Ma vibero damsi na i vibero ina rakata kirakai da turaturasi ina viviberoberowesi ma bade turaturasi ina vomiiri da vibero damsi ini beroberowesi ma mara nonowa ina viviberovivirana.

Jemes 4:11

Varevaresiku, Keresiyana turaturami ke koni avaberowesi. Wawaya kwinana ini avaberowei bo ina bera ini tupavirevirei ma ina vona da ibera beroi na bade God ina vonaviyoyovana iavaberowei. Tam ke vitupavira badana da kuna vona da God ina vonaviyoyovana na biibiina bo berona. Am biga da nani vonaviyoyovanina kuna kivini.