Hibru 3:2 - God Vonana Vovokaravina

² God, Yesu ivinei da ina biga ita berai ma vaghina peyarina ibera bubuni. Maghimaghighina Moses nakanani, ina biga ibera bubuni da God ina wawaya ikoyaghisi.

Hibru 3:2 Referans Kwoze

1 Timoti 3:15

iyamna mikeda ana vivinevira na weni girumina ini akovim da ikikava tota God ina wawaya kata makai, tota ekalesiya na God yawayawana ina rakaraka. Ma tota vitumaghana damta na nakanani ma vonavaghata kana kowora bo kana oga.

Epesas 2:22

Keriso yavata kovi nuwasago na nakanani ma tami ma vitumaghana wawaya peyarisi etitinariyariyita da tota God ina numa vovokaravina da Kanuma Vovokaravina gwabitiyai irunuma.

Hibru 2:17

Tuna kubiine ivi wawayota da tuna na varevaresina ma novunovuna nakanani. Ma biga iviiya da tuna God ina suwara kapuna badana. Ma bigana kamonai ivi patutu kirakai ma wawaya ivi kamyuyuwa kirakiiyesi da kubiisi ivi suwara da God ina nuwapughu ita vovinubai da i berabero ita notatawei.

Jon 17:4

Ma aviyavisina kuvi yoneku na abera yavui da dobuwai wawaya kam kadara ikitai.

1 Timoti 1:12

Ita Bada Yesu Keriso aikiikiiwei da aku biga kubiine rewapana ivereku. Ma aikiikiiwei da ivi tumaghaneku ma ivineku da kubiine ata biga.

Jon 15:10

Ma ikikava taku aku Mamai ina sisiya bagibagisi avovotekatekei da ina nuwaviina kamonai amakamakai na tami bade nakanani, aku sisiya bagibagisi kona votekatekei da tami aku nuwaviina kamonai kona makai.”

Jon 8:29

Wawayina ivonataweku na gwabikuwai. Ke ita kuyoweku, iyamna ina kayowana aberaberai.”

Jon 7:18

Meni wawayina tuna mani ina notiyai isisiya na eberaberai da wawaya ini ghegheni. Ma meni wawayina ina bada ikikava ivi varavarai na nununai ibeyebeyena da ina bada kana vigheghena kubiine, tuna na wawaya maninina, vibero gwabinai kegha.