Genesis 6:13 - God Vonana Vovokaravina

¹³ Tuna kubiine Nowa kurina ivona bo, “Weni nakanani ana berai, wawaya kudubisi ana pupunatawesi. I kayoghakighaki dobu ikiimumui, tuna kubiine bera kudubina dobuwai ma wawaya yavata ana kiipupunatawesi da kii mara ina kovi.

Genesis 6:13 Referans Kwoze

1 Pita 4:7

Mara damona gisina kava ina nekiibau. Tuna kubiine nota yagharinai kovi potepote meyemi da mara nonowa kona niponipowana.

Genesis 7:23

Bada God bera kudubina ikiipupunatawesi da wawaya kegha, ghamoghamo kegha, dowatetetesi kegha ma bade kiu kegha. Ma Nowa ma iyavo kava waka kamonai imakamakai na ti kava ke ita rukwa.

Genesis 6:4

God natunatuna nani wivinesi iravaghisi ma natunatusi ituputupuwa, nani maranai na Nepirim damsi namada dobuwai imakamakai. Nepirim na tupuwisi ghamaghamasi, ti na iyo damsi, tomotomowa avatetesi mara katamaninai.

Hibru 11:7

Nowa ina vitumaghana kubiine na God ina sisiya ivi yanei maranai vonaverena iviiya da nuwapoya ghamana ina tupuwa. Nuwapoyina na bera vuna da wawaya ke meyani ita kitai. Ma ivotekateka da waka iyamoni da kawana ma natunatuna yavata yawasa ipanani. Ma ina vitumaghana ivi debei da nani maranai wawaya peyarisi na berabero wawayisi ma kovogha berona ipanani. Ma bade ina vitumaghana kubiine God ivonakiiyaragha da tuna na ina wawaya maninina.

Genesis 49:5

Simiyon da Livai Tami na ami seri na kapiya kubiine, ami kayowana vighaviya.

Genesis 6:14

Ma tam na ‘kii biibiisi’ ketara da waka kevowai. Kamonai na tupayaragha keyamona ma kamona ma kupuna na kii ipanai kepasi.

Genesis 7:4

Mara 7 murinai na garewa ana vonatawei da mara 40 ma didibara 40 ina katukatuna da bera kudubina yawayawana dobuwai ayamoni na peyarina ana kiipupunatawei.”

Genesis 7:21

Ma bera kudubina yawayawana dobuwai ivivi dagudagu na iwapa. Kiu, ghamoghamo manamisi ma siya dipa ma dowatetetesi ma bade wawaya, peyarina na iuma dodo.

Genesis 8:21

Bada suwara ghabuna iyoni ma nuwanuwana iviiya ma ivona bo, “Ke meyani dobu animaga meyei wawaya i berabero kubiine. Akovi da gegeyai da i ku rabobo na i nota didibarisi emakamakai. Akovi ma namanaki, ke meyani da bera yavu yawayawana ana kiipupuna meyei.