Genesis 49:11 - God Vonana Vovokaravina

¹¹ Ina mura ina rakata da ina donki ku greipi kunukununa ina warimi. Ku greipi uravina ina kune da ruguruguna ina kamkam. Ma kana gara na wain kamonai ina kowai. Kana tarasovo na greipi muina tarataranai ina vokutuvi.

Genesis 49:11 Referans Kwoze

Revelation 7:14

Avonapotei bo, “Bada, ke atakovi ma tuna na tam kuakovi.” Ma ivoneku bo, “Weni damsi na mara berona, vitupaketowana ma vikayotirana kamonai imiirikikina da ku damona na kii gara na Sipu Gegeyina taranai ikowa da ipoini.

Revelation 19:18

Kopisi, nani kamna kamonai na wawaya viyosi kona kam. Kiikiivavo ma seri babadisi ghamaghamasi ma wawaya rewapana kirakiisi ma bade hosi ma iyavo kava igerugerusi na kona kanisi. Kamonai na sleiv wawayisi ma wawaya vovotawesi, wawayota ma wawaya ghamaghamasi kona kanisi.”

Revelation 14:20

Ma nani greipi kana vivitugudaguda gawarina na kwanatu kupunai. Ma greipi iutugudagudai na tara ghamana ikiibau nakanani ma okowa ita veraverau, iveru da 300 kilomitas ruvana ma kana doga na wawaya kana guri ruvana.

Genesis 49:12

Matana na ina yebari da wain nakanani. Ma okena na ina poi kirakiiyei da mereki nakanani.

Revelation 7:7

Ma Simiyon kana dam kamonai na 12 tausan ikirumisi, ma Livai kana dam kamonai na 12 tausan ikirumisi, ma Isaka kana dam kamonai na bade 12 tausan ikirumisi.