Genesis 48:7 - God Vonana Vovokaravina

⁷ Rorova kava Padan dobunai kabababa da keta borinai am maduwa Risera irabobo. Tuna na Keinan dobuna kamonai ma ke ita rabaraba da ku Eperati da weni nuwapoyina apanani. Ma vaghina, ere matadogaku na Eperati ketana baranai adogoi.”

Genesis 48:7 Referans Kwoze

Matiu 2:18

“Rama dobunai tutou ighae. Risera natunatuna kubiisi etutou ma esiyasiyapa. Wawaya itinavurei ma ivi kayokayo kavai, iyamna natunatuna irabobo yavu.”

Genesis 35:9

Rorova Padan Aram dobunai ivovira ku Betel na God inekiibau Jeikap kurina da ivi biibiini.

Genesis 25:20

Aisiki kana madegha 40 ma itavine, kawana na Rebeka. Rebeka ina mamai na Betuwel ma novuna na Leiban. I dobu ghamana na Arameya ma i dobu gisina kana vava na Padan Aram.

Genesis 33:18

Ma vaghina, nakanani itupuwa da Jeikap mau Padan Aram ikiibutawei da inae ku Sekem kwanatuna Keinan dobuna kamonai. Ma i baba kamonai na biibiina kavakava. Kwanatu ririnai ina taki iyamoni ma i yobe itina da imakai.

Genesis 35:20

Ma dogona tepanai na Jeikap wakima ivi miirini da karako weni ku marana nani wakimina imatakira da nani dobunai Risera idogoi.

Genesis 48:6

Ma weni ededisi murisiyai kuna vivituwa na tam kava rapemuwai. Ma tano buderina kona rerereghi na murimurisi i tano na Eperaim da Manase gwabisiyai ina viiya.