Genesis 47:7 - God Vonana Vovokaravina

⁷ Muriyai Josepa ina mamai Jeikap irutini ipisi da Pero ivi maghibeyei. Ma Jeikap, Pero ivi kiikiiwei ma ivi nowi Bada kurina da Pero iti biibiini.

Genesis 47:7 Referans Kwoze

Genesis 47:10

Vaghina ma Jeikap, Pero ivi biibiina meyei ma ikuyowei.

1 Pita 2:17

Wawaya peyarisi kovopepetisi. Keresiyana turaturami yavata kovi nuwaviinavivirana. God kovokaravei ma kiivavo ghamana ami dobuwai kovopepetei.

Luk 22:19

Yesu parawa iviiya ma God ivi kiikiiwei ma ivogimagimai. Ireregha kurisi ma ivonesi bo, “Weni tuna na tupuwiku. Weni berana kona beraberai da kona notanotiku.”

Matiu 26:26

Ikamkam kamonai na Yesu parawa sago iviiya ma God kurina ivi kiikiiwa ma ivogimai da kana kivikivina irereghisi. Ma ivonesi bo, “Koviiya ma kokani. Weni tuna tupuwiku.”

Genesis 35:27

Jeikap inae ina mamai Aisiki kurina ku Mamre, tuna Kiriyati Aba kwanatuna baranai, dobuna kana vava sago na Hibron. Kunona ina doboro Abraham ma ina wawaya nani dobunai ivivi makiiyana.

Genesis 47:8

Ma nani murinai na Pero, Jeikap ivi tarakiiyanei bo, “Kam madegha na viya?”

Genesis 14:19

Ma Abram kurina ivona bo, “God Kiidamo Makamakiina kunuma ma dobu iyamoni. Ma ainowi kurina da ini biibiinim.