Genesis 47:22 - God Vonana Vovokaravina

²² Ma kegha da iyavo kava god viviberosi i vokavara ibadei na kii tano kava na ke ita gimari, iyamna kii reregha na nonowa Pero gwabinai iviiviiya, tuna kubiine kii vavai imakamakai ma kii tano na ke iti gimarei.

Genesis 47:22 Referans Kwoze

1 Timoti 5:17

Ma vinoraveraveyana, iyavo kava ekalesiya kamosiyai ebigabiga bubuna, edimadima bo ibeyebeyena, ti damsi na kovi miiyesi ma bade kovokaravesi.

2 Tesalonika 3:10

Rorova gwabimiyai tamakamakai na kavonavonemi bo, “Wawaya ke ina biga na ke ina kam.”

Gareisiya 6:6

Wawaya God vonana ina vivibeyebeyem na aviyavisina biibiina gwabimuwai na nevana am vibeyebeyena wawayina keverei.

1 Korint 9:13

Koakovi bo kegha da tomotomowa Taparoro Numana kamonai ebigabiga na kii vavai ma kii siya nani dobunai eviiviiya, ma iyavo kava suwara kana kema maghinonai ebigabiga na suwara ekapukapuni ma nevanevana eviiviiya da kii vavai ma kii siya.

Matiu 10:10

ke kutu, gara, kaeterepapara, bo diwona kona kavari. Iyavo kubiisi kona biga na kii wavu da ina koyagha bubunimi.”

Genesis 41:50

Muriyai da gomara ita nekiibau na Josepa kawana Asenati mara ruwa ivi tuwa da natunatuna tomotomowa.

Genesis 41:45

Ma bade kana vava vuna iverei, ivi vavei Sapenati Paneya, weni vavana na Egypt damsi kii vava. Ma wavine sago kana vava Asenati iverei da kawana, wavinena ina mamai na Potipera, tuna na god vibero ina vokavara ivi badei ‘On’ kwanatuna kamonai.

Genesis 14:18

Ma bade Salem kwanatuna kana kiivavo Melkisedeki parawa da wain ikavarapiyei. Tuna na God Kiidamo Makamakiina ina suwara kapuna badana.

Genesis 47:21

Egypt dobuna kamonai na Josepa iberai da meyagii nununai wawaya kudubisi ivi sleiv yavu.

Genesis 47:23

Ma iyavo kava ivi sleiv ma i tano ivi wapai, na Josepa ivi sisiya kurisi, ivonesi bo, “Wekarakava na tami ma ami tano agimari ikovi Pero kubiine. Ma pei weni koyuna da ami bada Pero kubiine kona vovao.

Genesis 47:26

Weni berasi kubiine Josepa taravatu iterei da Egypt dobuna kamonai na riba miikovi ina terei ma sago na kiivavo rapenai. Weni taravatuna na Egypt damsi patana da evovotani. Ma iyavo kava god viviberosi i vokavara ibadei na ti kava kii tano na Pero ke iti rapenei.