Genesis 46:1 - God Vonana Vovokaravina

¹ Vaghina ma Jeikap ina sawara kudubina iviiya ma ina rakaraka irutinisi da ivomiiri ku Egypt. Inenae da inekiibau ku Beyaseba na isuwara ma ivokavakavara ina mamai Aisiki ina God kurina.

Genesis 46:1 Referans Kwoze

Genesis 31:42

Ma mikeda aku mamai ina God, tuna Abraham ma Aisiki i God gwabikuwai kegha na vonavaghata da namada imaku kwebuna ma kuta vonataweku. Ma kegha da God aku nuwapoya ma aku biga aberai na ikitai na didibarai inekiibau kurim da itupavimaninimu.”

Genesis 28:13

Ma nani kiitetena damonai na Bada imiimiiri, ma ivonei bo, “Taku na Bada, am mamai Abraham da Aisiki i God. Ma weni tanona tepanai kekenakena na tam ma tupurereghim ana veremi.

Genesis 28:10

Jeikap Beyaseba dobuna ikiibukuyowei inenae ku Haran.

Genesis 21:33

Ma Abraham na kii kana vava tamarisk ivoni Beyaseba dobunai. Ma bade nani dobunai Bada makamakii nonowina ivokavakavari.

Genesis 21:31

Ma vaghina, nani dobunai ivi ruwa vivaghina iberai, tuna kubiine dobuna ivi vavei Beyaseba.

Genesis 21:14

Mara itom ma mara boiboi nakiyai Abraham ivomiiri ma vavai da ‘okowa diudeuna’ iviiya da Heiga kana keta tamiina. Ku katagheyana iterei ma natuna yavata ivonatawesi inae. Ivi ruwa inae da ku dobu makiiwapana (Dobuna kamonai gawara sago kana vava Beyaseba). Ma nani dobunai ibababa yawara.

Genesis 35:7

Ma nani dobunai wakima ivi dabura da suwara kana kema ivowai ma dobuna ivi vavei, ‘El Betel’ iyamna nani dobunai God irumatara kurina maranai varesina yabumanina iveraverau.

Genesis 35:3

Wekarakava na tanae ku Betel ma nani dobunai suwara kana kema ana vowai God kubiine. Tuna aku nuwapoya peyarina kamonai iviteku ma mike anenae na mara nonowa gwabikuwai.”

Genesis 33:20

Ma nani dobunai suwara kana kema iyamoni ma ivi vavei ‘El Eloye Israel.’

Genesis 31:53

Ma ainowi da mikeda taku ana beraberoi bo tam kuna beraberoi, na God ina tupavimaninita ma kovogha ina rereghi. Tuna na am doboro Abraham da am nosi Nayo i God.” Ma vaghina, Jeikap vonakiiyapa bagibagina iberai da nani vivaghina makamakiina ke ini kiigiiyei. God avanai ivonakiiyapa, tuna God na ina mamai Aisiki ere yabuyabumanina ivovokavakavari.

Genesis 22:13

Vaghina ma, Abraham itepa da kiikiiruku kamonai sipu tomowina sago ikitai, tonana ikirai ma ivivi paparana. Inae da iviiya ivowai ma natuna epayanina kubiine ikapuni da ina suwara.

Genesis 12:8

Vaghina ma, ivomiiri inae ku koya nuwasi da nake Betel kwanatuna ma wike ku maramatana na Ayi kwanatuna ma basunai na ina yobe ivowai. Ma bade suwara kana kema sago iyamoni da Bada ivovokavakavari.

Genesis 8:20

Nani murinai Nowa wakima ivi daburi da suwara kana kema iyamoni. Ma meni ghamoghamosi ma kiusi Bada ivi vaghinei da suwara kubiine na kamosiyai viya iviinisi ma ivunuwa da suwara kana kema tepanai ikapuna, Bada God kurina isuwara.

Genesis 4:4

Ma Abel na siya monamonana ipiyei. Siyana na sipu natunatusi iyiyarokosi viya ivunuwa ma viyosi biibiisi kavakava isuwarei. Bada, Abel ina suwara yavata nuwanuwana iviiya.

Apasol 7:15

Ma Jeikap inae ku Egypt ma nani dobunai imakamakai da natunatuna yavata irukwa.

Genesis 45:28

Ma Jeikap ivona bo, “Wekarakava na aitumaghanemi da natuku Josepa na patana da yawayawana. Muriyai da ana rabobo na ana nae natuku ana kitai.”