Genesis 43:21 - God Vonana Vovokaravina

²¹ ma kavovovira da keta borinai kena kubiine ma kavopanani da peyarikai akii kutu kamosiyai na akii mane ikikava kagimagimara na peyarina nani. Tuna kubiine manesi na peyarina kaviini kavovira.

Genesis 43:21 Referans Kwoze

Genesis 43:12

Ma nani manena ami ku kutu iuwana na kokavari da kona vere meyesi. Mikeda wawaya sago bera wapawapa iberai da iuwaname. Ma bade ku tepana mane koviiya da kata vavai kona gimari.

1 Pita 3:16

Kona vonavonapotesi na ere vopepetimi ma ere nuwanubami koni sisiya kurisi. Ma bade koberai da nuwanuwami yagharina. Ma iyavo kava ini avaberowemi na ininimaya, iyamna ina kitimi da Keriso kokivikivini na ami yawasa maninina kavakava.

1 Pita 2:12

Wawaya ke vivitumaghanisi kamosiyai komakamakai, tuna kubiine kokitaruvimi da ami yawasa na maninina kavakava. Mikeda i kayowana da iti wavumi da berabero wawayimi na ina bera kavai, iyamna ami bera biibiisi ina kitai. Ma God kana kadara ini ghegheni maranai ina nekiibau da ini tupavirevireta.

Hibru 13:18

Nipowana kubiikai ke kona voterei. Nuwanuwakii yagharina ma akii kayowana da aviyavisina peyarina kana beraberai na maninina kavakava.

Hibru 13:5

Dobu ina mura ke kona nota kirakiiyei ma ke kona matighei. Ma aviyavisina gwabimiyai na tuna kava kovi nuwabiibiiyei, iyamna God ivona bo, “Ke meyani da ana kitatawemi, ke meyani da ana voteremi.”

Rome 13:8

Koberai da ke sago iyai gwabinai kami tupi ina makai. Ma kami tupi sago kava na weni, kwinam yavata mara nonowa koni nuwaviina. Nani tupina na ami biga da kona beraberai da ami ku damona. Meni wawayina kwinana kurina ini nuwaviina na tuna wawayina na Moses ina vonaviyoyovana kudubina enununura bubuni.

Rome 12:17

Wawaya berona ina berai kurimi na ke beronai kona verepotei. Aviyavisina wawaya kudubisi enotanotai da biibiina na tuna kava koberai.

Genesis 43:15

Vaghina ma Jeikap natunatuna nani puyosi iyuna ma mane ku tepana ikavari ma Benjamin yavata ivomiiri da inae ku Egypt da Josepa maghinonai imiiri.

Genesis 43:20

Ivona bo, “Akii bada, kevi yanekai. Kunona kapisi wike da vavai kata gimara,

Genesis 43:22

Ma wekarakava na mane ku tepana kakavari da vavai kana gimara. Ma ke katakovi da iyai akii mane iuwaname akii ku kutu kamosi.”

Genesis 44:8

Kuyakovi da rorova Keinan dobunai mane akii kutu kamosiyai kavopanana na kudubina kakavara kavovirei kurim. Ma avi kubiine am bada ina numa kamonai silva bo gold kata yapi?