Genesis 43:11 - God Vonana Vovokaravina

¹¹ Vaghina ma i mamai Jeikap ivonesi bo, “Mikeda ami kayowana da nakanani taberai na vaghina. Ma ami puyo kokavaraneyei da tomowina kona verei. Okowa ghabughabuna, manigewa, gegura, vavai kii vovoghabughabu, mapa bogii ma bogiiyai, weni dobunai aviyavisina imatiyai tayamoyamoni na kiikiimatanisi kouwana ami ku kutu ma kona nae da kona puyoi.

Genesis 43:11 Referans Kwoze

Genesis 37:25

Nani murinai imakiivipikapika da ikamkam ma ita kita da Ismayel tupurereghina ikitisi, ti na Midiyan damsi. Giliyadi dobunai ipipisi ma inenae ku Egypt. Ma i kamel tepanai na vavai kii tavighabughabu ma bade gegura gubaga kubiine na iuwana da iti gimara.

Apasol 21:14

Ma kavonatana kavai na kavoterei. Ma kavonei bo, “Bada ina kayowana ina tupuwa.”

Genesis 43:14

Ma ‘God Rewapana Kirakiina’ kurina ainowi da ina berai da tomowina ini kamyuyuwemi ma ini vaghinei da varesimi sago ma Benjamin yavata kona vovirame. Ma ke ini vaghinei ma natunatuku ivi ruwa ani wapisi na vaghina, nuwapoya kamonai ana makai.”

Genesis 33:10

Ma Jeikap ivona bo, “Kegha. Mikeda nuwanuwam kudubinai kituraneku na vaghina ainowi kurim da weni puyosi avereverem na keviiya. Maghighim akitai na nakanani ma God maghighina ata kitakitai. Wekarakava ainuwabiibai da kuvi turaneku.

Genesis 43:10

Madegha enenae. Mikeda Benjamin ke kuta tarapapari, ma vivaghina kutaverekai na tokai namada mara ruwa kata nae ku Egypt ma kata vovira.”

Genesis 43:15

Vaghina ma Jeikap natunatuna nani puyosi iyuna ma mane ku tepana ikavari ma Benjamin yavata ivomiiri da inae ku Egypt da Josepa maghinonai imiiri.

Genesis 43:25

Ma tomotomowisi namada iakovi da madegha punai na nani numanai ita kam, tuna kubiine i puyo ivovunagha da Josepa ita nekiibau na ita puyoi.

Genesis 43:26

Josepa inekiibau na i puyo iyuna da inae ku maghinona da irunoma ma ipuyoi.