Genesis 34:2 - God Vonana Vovokaravina

² Ma Hivi tomowa sago wiwikena ikitai, tomowina kana vava Sekem, tuna na Hamo natuna ma Hamo na nani dobuna paratina kana kiivavo. Vaghina ma, Daina ikitai na ivotani ma ikenei.

Genesis 34:2 Referans Kwoze

Matiu 5:28

Ma taku avonavonemi, tam iyai wavine kukitakirorowei na namada nuwanuwam kamonai berabero kuberai.

Genesis 33:19

Kwanatuna kana bada na Hamo ma Jeikap inae Hamo natunatuna kurisi da taki dowana gwabisiyai igimari, miiyanina na silva riririghina ivi 100.

Genesis 20:2

na nani dobuna damsi ivonesi da kawana Sera na novuna. Tuna kubiine, Gera kana kiivavo Abimaleki wawaya ivonatawesi da Sera irutinapiyei kurina.

Genesis 10:17

Hivi damsi, Araki damsi ma Sini damsi,

Genesis 6:2

Ma God natunatuna tomotomowa ikita da wawaya natunatusi wivinesi na karakarawatisi ma i kayowanai irutinisi da iravaghisi.

Genesis 34:3

Ma wavinena ivi karawata kirakai da nuwanuwana iviiya. Tuna kubiine ivi marumarui, ina kayowana ghamana da yavata iti turana.

Genesis 34:30

Nani murinai Jeikap natunatuna Simiyon da Livai ivonesi bo, “Tami ku nuwapoya kotereku, karako Keinan damsi da Peres damsi ma nani dobuna makamakiisi kudubisi ini kawapateku. Taku aku iyo wawayisi ke ita peyari ma mikeda nani damsi ina tarakapu ma ina kayaya kuriku na ita rakaraka kudubina ina kiipupunatawei.”

Genesis 34:27

Jeikap natunatuna viya inekiibau ma ipanani da wawaya irukwa na novusi biwana iviiya, irui kwanatu ku kamona da sawara kudubina iyapi.