Genesis 34:10 - God Vonana Vovokaravina

¹⁰ Weni berana taberai ina kovi na aivaghinei da weni dobunai tamakai patapata. Weni dobunai kuna makai da kuni wadubo ma kuni gimagimara wapawapa.”

Genesis 34:10 Referans Kwoze

Genesis 47:27

Israel damsi Gosen dobuna kamonai imakamakai da i mura irakata ma ivi tuwa da natunatusi ipeyari kirakai.

Genesis 42:34

Ma timi kikei murimuri vaghina korutinapiyei kuriku da anakovi da tami kovonavona bubuna da tami wawaya maninimi ma ke nanaga wawayimi. Tuna maranai na varesimi ana vere meyemi ma ani vaghinei da weni dobunai kona gimagimara.’ ”

Genesis 20:15

Ma ivona bo, “Aku tano kudubina kekitai, ma am kayowana mikeme na vaghina, nani dobunai kemakai.”

Genesis 13:9

Kekitai, dobu irakata. Kade kovokovowina bo kegha da kati bogebogeta? Meni tanona kuna kayokayowei na keviiya. Ma meni tuna kuna vovoterei na taku ana viiya. Ku katagheyam kuna nenae na taku ku dugem ana nae. Ma ku dugem kuna nenae na taku ku katagheyam ana nae.”

Genesis 34:9

Vivaghina taberai da natunatumi wivinesi ina pisi gwabikiiyai ina tavine ma bade natunatukai wivinesi ina nae da gwabimiyai ina tavine.

Genesis 34:11

Sekem tuna mani Daina ina mamai da novunovuna kurisi ivi sisiya, ivona bo, “Ainowi da koni vaghinei da Daina ana ravaghi. Koni vaghinei na aviyavisina kona kayowei na ana veremi.”