Genesis 34:1 - God Vonana Vovokaravina

¹ Mara sago Jeikap da Liya natusi wiwikena kana vava Daina inumataya inae da Keinan wivine ita kitisi.

Genesis 34:1 Referans Kwoze

Genesis 30:21

Ma tuna murinai na Liya ivi tuwame da natuna wavine ma ivi vavei ‘Daina.’

1 Timoti 5:13

Ma bade kwapukwapura vusi na ina baba wapawapa, vinumarugenara ma ku tepana na ina viviyanuwe ma wawaya kurisi ini yaranatitirana da ku kamosi ina rui. Ma wawaya ti mani i bera ita kitakuyowei ma kegha da ina vivisisiyapawopawo.

Genesis 46:15

Ma vaghina, weni damsi tavi yavi ikovi na Jeikap kawana Liya yavata Padan Aram dobunai imakamakai na ivi tuwesi da natunatuna ma tuputupuna na ivi 33 ma ku tepana na novusi Daina.

Genesis 30:13

Vaghina ma Liya ivona bo, “Avi nuwabiibii kirakai! Karako wivine ina voneku bo, ‘Nuwabiibai wavinem.’ ” Tuna kubiine Silpa natuna ivi vavei ‘Asera.’

Genesis 28:6

Iso iakovi da Aisiki, Jeikap ivi biibiini ma ivonatawei inae ku Padan Aram da nani dobunai wavine sago ita viiya da kawana. Ma bade iakovi da ivivi biibiini na tuna maranai ina sisiya bagibagina iverei da ke Keinan wavine sago ita ravaghi.

Genesis 27:46

Muriyai Rebeka inae Aisiki kurina ma ivonei bo, “Weni Hiti wivinesi natuta Iso iravaghisi na ke aku kayowana, weni makamakiina na ke ata vivivaghinei. Mikeda Jeikap bade weni dobuna kamonai Hiti wavine sago ina ravaghi na ibiibai da ata rabobotaweyana.”

Genesis 26:34

Aisiki natuna Iso kana madegha 40 na Hiti wivine ruwa iravaghisi. Sago na Beri natuna Juditi, ma kana viruwa na Elon natuna Basemati.

Taitos 2:5

Ini potepote meyesi da bera biibiisi kava ina berai, i yawasa na maninina, i numiiyai mara nonowa ina bigabiga ma ini agabiibai, ma kakawasi ina votekateka bubunisi. Nakanani ina berai na God vonana ke ina kiiviberoi.

Genesis 33:20

Ma nani dobunai suwara kana kema iyamoni ma ivi vavei ‘El Eloye Israel.’