Genesis 30:4 - God Vonana Vovokaravina

⁴ Tuna kubiine Risera ina bigabiga wavinena Biliya irutini Jeikap kurina da yavata ikena.

Genesis 30:4 Referans Kwoze

Genesis 35:22

Jeikap nani dobunai imakamakai ma kamonai Ruben irui da Biliya yavata ikena. Biliya na Risera ina bigabiga wavinena ma Jeikap ivi kawanei da yavata imakai. Jeikap sisiyina ivi yanei da nuwanuwana ipughu kirakai. Jeikap natunatuna tomotomowisi ivi 12.

Genesis 33:2

Ma ina bigabiga wivinesi ere natunatusi na maghinonai iteresi, iteretani na Liya ere natunatuna ma Risera da Josepa kii muri itupotai.

Genesis 25:6

Ma karakava da ita rabobo na natunatuna tomotomowisi kakawana viya gwabisiyai na puyo irereghi kurisi. Ma ku maramatana ivonatawesi ine rabaraba da ke Aisiki gwabinai ita makai.

Genesis 25:1

Abraham wavine sago irutini da kawana vuna. Wavinena kana vava Ketura.

Genesis 22:24

Ma ku tepana bigabiga wavinena kana vava Reuma, tuna bade ivi tuwa da Nayo natunatuna tomotomowa ruwamaruwa, kii vava Teba, Gayam, Tayas ma Maka.

Genesis 21:10

na inae da Abraham ivonei bo, “Buderi kuna rereghi na Ismayel nevanevana ke ina viiya, kudubina na natuku Aisiki ini rapenei. Tuna kubiine nani sleiv wavinena natuna yavata kekwavinisi ina nae.”

Genesis 16:2

Mara sago Serai inae Abram kurina ma ivona bo, “Bada ivi tarapaparaneku da ke ati tuwa. Kade aku bigabiga wavinena yavata kota kena da iti tuwa. Ini tuwa na natuna ana viini da tuna tepanai aku ribiribi ina tupuwa.” Abram ivi vaghinei.

Genesis 30:5

Biliya iropeya ma ivi tuwa da natuna tomowa.

Genesis 29:29

Ma Leiban ina bigabiga wavinena Biliya irutini da natuna Risera iverei da ina bigabiga wavinena.

Genesis 46:25

Ma vaghina, weni tomotomowisi ivi 7 na Jeikap da Biliya tupurereghisi. Biliya na Leiban ina bigabiga ma natuna Risera iverei da ina bigabiga wavinena.