Genesis 3:4 - God Vonana Vovokaravina

⁴ Ma ivonapotei, “Tuna ke vonavaghata, tami ke kona rabobo.

Genesis 3:4 Referans Kwoze

2 Korint 11:3

Ma ayabuyabumana da aviyavisina itupuwa Adam kawana Eve kurina na ina tupuwa kurimi. Mota iakova kirakai, iberai da Eve bera berona iberai. Maghimaghighina tuna ami nota yagharisi ini beroi da tami na ke koni patutu kamowa Keriso kurina,

Jon 8:44

Tami ami mamai na Devil, ma kokayokayowei da tuna ina kayowana kona berai. Dobu karenai da ku karako, tuna na kiivunuwa wawayina. Ma bade vonavaghata ke ita kayokayowei, iyamna vonavaghata gwabinai kegha. Maranai ini bero na tuna ina yawasa vaghata ekivikivini, iyamna tuna na viviberona, ma tuna na vibero ina mamai.

1 Timoti 2:14

Ma bade ke Adam sisiya vibero iti tumaghanei, Eve mota ina sisiya ivi tumaghanei da God ina sisiya bagibagina ivi kiigiiyei.

2 Korint 2:11

Weni berana aberai ini matakira da Seitan ke ina ghekuyoweta, iyamna tota ke neghaneghata, ina bera takova yavui.

Genesis 3:13

Ma Bada God wavinena ivonei bo, “Avi kubiine weni berana kuberai?” Ma ivonapotei bo, “Mota ivi beroberoweku da akani.”

Genesis 3:3

Ma ivonatanikai da vao basunai kii sago kava na ‘amena’ ke kana kani bo kiina ke kana votovoni. Kana berai na kana rabobo.”