Genesis 3:23 - God Vonana Vovokaravina

²³ Tuna kubiine Eden kamonai ikwavinisi ikiibau. Ti i karena na dowiyai ivopasipasisi ma ivonatawesi ikiibau da dowa ita wayowei.

Genesis 3:23 Referans Kwoze

Genesis 4:2

Muriyai ivi tuwame da bade natuna tomowa ma tuna ivi vavei Abel. Natunatusi imagura na Abel ivivi ghamoghamo ma Kein na tano iwayowayowei.

Genesis 4:12

Dowa kuna wayowei da imai ma kara vavai ke ghamana kuna panani. Kenae! Kuni ketabababa dobuwai.”

Genesis 3:19

Kuni poyapoya da kuna kam, nakanani ina nenae da mara sago kuna vovira kuni dowa. Tam dowiyai avovipasipasim da kuvi wawaya ma mara sago na kuna vovira ku dowa.”

Genesis 2:5

na garewa ke ita vonatawei, karakava. Tuna kubiine ke sago kii bo inamona bo pei tano tepanai ita gogo. Ma kesago wawaya da tano ita wayowei.

Genesis 9:20

Nowa tuna wayowa wawayina ma ina vao kamonai na greipi ivoni. Muriyai greipi amesi iyuna da wain iyamoni.

Genesis 3:22

Nani murinai Bada God ivona bo, “Karako nani wawayisi ivi ruwa na tota nakanani, biibiina ma berona iakovi. Ma ke vaghina da ita vororona da Yawasa Kiina amena ita viiya. Amena ita kani na yawasa makamakii nonowina ita veresi.”

Genesis 3:24

Ikwavinisi ikovi na vao kupunai kana koyakoyagha iteresi, maramatana ku nevana aneya rewapanisi iteresi da wawaya ke ita rui. Ma seri ghamana ere yebayebarina ma vovokeyakeyuna iterei da ivivi kiivirevirei, tuna na Yawasa Kiina ivivi tarapaparanei.

Genesis 2:7

Vaghina ma, Bada God tano iviiya ma tomowa ivopasipasiya, yana itawe ku giyabonaghina da tomowina irupapara da yawayawana.

Genesis 2:8

Ma dobu sago ku maramatana imakamakai kana vava Eden. Eden kamonai na Bada God vao sago iberai ma nani tomowina ivopasipasiya na nake iterei.