Genesis 3:16 - God Vonana Vovokaravina

¹⁶ Vaghina ma wavinena ivonei bo, “Ana berai da am ropeya kamonai am inivisi ina rakata da ere vokwarakwaram kuni tuwa. Ma ana berai da am kayowana ghamana da kawam. Ma tuna ini badem.”

Genesis 3:16 Referans Kwoze

Taitos 2:5

Ini potepote meyesi da bera biibiisi kava ina berai, i yawasa na maninina, i numiiyai mara nonowa ina bigabiga ma ini agabiibai, ma kakawasi ina votekateka bubunisi. Nakanani ina berai na God vonana ke ina kiiviberoi.

Kolosei 3:18

Tami wivine, kakawami kovotekatekesi da i vibadana gaburinai kona makai, iyamna iyavo kava Keriso rapenai na i biga da nakanani ina berai.

1 Korint 11:3

Wekarakava akayokayowei da konakovi da Keriso ina Bada na God. Ma tomotomowa kudubita ita Bada na Keriso. Ma wavine ina bada na kawana.

1 Timoti 2:15

Ma wivine ini tuwa na natunatusi ina koyagha bubunisi ma mara nonowa i yawasa na maninisi. Ma ere vitumaghanisi ma ere nuwaviinisi ina makamakai na God ini yawasisi.

1 Korint 14:34

na wivine kawasi ina pota, ke debiiyai ini sisiya. Vonaviyoyovana katamana igiruma da ti na kakawasi gaburisiyai.

1 Korint 7:4

Wavine tupuwina ke tuna mani kava rapenai ma kawana yavata rapesiyai. Ma bade tomowa tupuwina ke tuna mani kava rapenai ma kawana yavata rapesiyai.

Jon 16:21

Tuna na nakanani ma wavine vituwa kubiine ita vivivowavowa ma ita vovokwarakwara. Ma natuna ini tuwei murinai na ina vokwarakwara ina kovi ma ini nuwabiibii kirakai, iyamna natuna ivi tuwatawei ku dobu.

Genesis 4:7

Bera biibiisi kuna beraberai na ana kayowem. Kekitaruvim. Berabero ekayokayowei da ini badem, ikoyakoyagha da ina vowim. Kevi rewapana da kuna ghegavovori.

1 Tesalonika 5:3

Nani maranai wawaya ina vivisisiya bo, “Nuwanubiiyai tamakamakai bubuna,” ma nani kamonai ina tataghana ma vokwarakwara ini karei. Ma ke kovokovoghina da ina veruvuvurei. Tuna nakanani ma wavine vituwa kubiine ita dagui da iti tataghani ma ke kovokovoghina da ita veruvuvurei.

1 Timoti 2:13

Konotai da God, Adam iyamoni ma murinai Eve iyamoni.