Genesis 28:3 - God Vonana Vovokaravina

³ Ainowi God Rewapana Kirakiina kurina da ini biibiinim ma ina berai da natunatum ina peyari ma am koroto ina rakata da dam sago ina tupuwa.

Genesis 28:3 Referans Kwoze

Genesis 48:3

Ma natuna Josepa kurina ivona bo, “Mara sago God Rewapana Kirakiina irumatara kuriku Lus kwanatunai, tuna na Keinan dobuna kamonai. Ivi biibiiniku

Genesis 35:11

Ma God ivona bo, “Taku na ‘God Rewapana Kirakiina’. Ma kevi tuwa kirakai da tupurereghim ina peyari da dam ma dam ma kiikiivavo na tami kamomiyai ina kiibau.

Genesis 13:16

Ma ana berai da tupurereghim ina peyari kirakai da nakanani ma popoku. Ikikava wawaya ke kovokovoghina da popoku ini yavi na nakanani tupurereghim ini yava kavakavisi.

Genesis 9:1

God, Nowa natunatuna yavata ivi biibiinisi ma ivonesi bo, “Kovi tuwa kirakai da kona peyari da rakarakami dobu ina makii yavui.

Genesis 1:28

Ivi biibiinisi ma ivona bo, “Kovi tuwa da tupurereghimi ina peyari. Dobu kovi tupoi ma kovi badei. Ghamoghamo ma bera kudubina dobuwai idagudagu na kovi badesi, iyana yegiyai ma kiu kiidamowai yavata.”

Genesis 43:14

Ma ‘God Rewapana Kirakiina’ kurina ainowi da ina berai da tomowina ini kamyuyuwemi ma ini vaghinei da varesimi sago ma Benjamin yavata kona vovirame. Ma ke ini vaghinei ma natunatuku ivi ruwa ani wapisi na vaghina, nuwapoya kamonai ana makai.”

Genesis 41:52

Muriyai ivi tuwame na ivona bo, “Weni dobunai avi kamyuyuwa ma karako God iberai da natuku itupuwa.” Tuna kubiine natuna kana viruwa ivi vavei ‘Eperaim.’

Genesis 24:60

Ivomiiri da ita nae ma Rebeka ina rakaraka ivonakiiyaragha kurina bo, “Novukai, kevi tuwa kirakai da natunatum ina peyari. Tupurereghim ini rewapana kirakai ma kii ghavighaviya ina ghegavovorisi da i kwanatu ini rapenei.”

Revelation 21:22

Ma kamonai na ke sago taparoro numana ata kitai, iyamna God rewapana kirakiina ma Sipu Gegeyina yavata kii kadara na nani kwanatuna ivi tupoi, tuna kubiine na wawaya ke numa itekwai da kamonai ita vokavakavarisi.

2 Korint 6:18

Ma Bada Rewapana Kirakiina ivona bo, “Nani maranai taku na ami Mamai ma tami na natunatuku.”

Genesis 17:20

Ma Ismayel kubiine na am vinowi avi yanei da ani biibiini ma natunatuna ina peyari ma tupurereghina ina rakata da ini dam ghamana. Ma tuna na kiikiivavo ivi 12 i mamai.

Genesis 26:4

Ana berai da tupurereghim ina rakata da nakanani ma gwamegwame kunumai. Ma weni dobuna kudubina ana veresi da rapesiyai. Ma tupurereghim tepasiyai na dam ma dam dobuwai ani biibiinisi.

Genesis 26:24

Inekiibau ma nani didibarinai Bada irumatara kurina ma ivona bo, “Namada avonakiiyapa aku bigabiga Abraham kurina da tupurereghimi ina rakata, tuna kubiine ani biibiinim ma ana berai da nakanani ina tupuwa. Taku na am mamai Abraham ina God. Taku gwabimuwai, tuna kubiine ke kuna yabumana.”

Genesis 27:33

Vaghina ma, Aisiki ivi nuwapoya kirakai da kiroro ivi karei ma ivona bo, “Nakanani na iyai siya ivowai ma ikavarapiyei kuriku? Akani ikovi ma avi biibiini ma muriyai tam kunekiibau. Ma nani vibiibiinina namada averei ikovi da gwabinai ina makii nonowa.”

Genesis 48:4

ma ivona bo, ‘Ana berai da kuni tuwa kirakai da am koroto ina rakata, tupurereghim ina rakata da dam ma dam ina tupuwa. Ma weni dobuna na tupurereghim ana veresi da ini rapena tuwanonowi.’ ”

Genesis 49:25

Iyamna am mamai ina God ini vitem, God Rewapana Kirakiina ini biibiinim. Kunuma da dobu kana vibiibiina ina verem ma tupurereghim ini biibiinisi da ini tuwa ma ini susu bubuna.