Genesis 28:2 - God Vonana Vovokaravina

² Yaghiyaghinai kenae ku Padan Aram da am maduwa ina mamai Betuwel ina ku numa. Ma nani dobunai am maduwa novuna Leiban natunatuna wivinesi kamosiyai sago kuna viiya da kawam.

Genesis 28:2 Referans Kwoze

Genesis 25:20

Aisiki kana madegha 40 ma itavine, kawana na Rebeka. Rebeka ina mamai na Betuwel ma novuna na Leiban. I dobu ghamana na Arameya ma i dobu gisina kana vava na Padan Aram.

Genesis 46:15

Ma vaghina, weni damsi tavi yavi ikovi na Jeikap kawana Liya yavata Padan Aram dobunai imakamakai na ivi tuwesi da natunatuna ma tuputupuna na ivi 33 ma ku tepana na novusi Daina.

Genesis 35:9

Rorova Padan Aram dobunai ivovira ku Betel na God inekiibau Jeikap kurina da ivi biibiini.

Genesis 32:10

Taku ke wawaya kiimatana ma kegha da am agabiibai ma am nuwaviina kuriku irakata da bera biibiisi ipeyari kuberai taku am bigabiga kubiiku. Rorova kava imakuwai na diwona kava ma Jodan okowina adamani ma karako na aku koroto ruwa itupuwa.

Genesis 28:5

Vaghina ma, Aisiki, Jeikap ivonatawei inae ku Padan Aram, ina mamai kikei Leiban kurina. Leiban novuna na Rebeka, tuna na Jeikap da Iso i maduwa. Ma Leiban da Rebeka i mamai na Betuwel, ina dobu na Aram.

Genesis 24:50

Ma Leiban da Betuwel ivonapotei bo, “Ke ruvaruvana da ikikava kana vonem. Weni tuna na Bada ina kayowana.

Genesis 24:29

Ma nani wiwikena novuna na kana vava Leiban. Ma tuna yaghiyaghinai iverau ku dogo da bigabiga tomowina ita kitai,

Genesis 24:10

Bigabiga tomowina inae da Abraham ina kamel ivi 10 irutinapiyesi ma mura ghamana, sawara bogii ma bogiiyai ku tepasi ivi tawanepeyana. Ma ivomiiri inae ku Aram Nayaraim dobuna. Ibaba inenae da Nayo ina ku kwanatu inekiibau.

Genesis 31:18

Ma ina ghamoghamo yavoyavosi ma aviyavisina kudubina Padan Aram kamonai ipanapanani na peyarina iviiviiya da yavata ita nae ku Keinan, ina mamai Aisiki kurina.

Genesis 29:1

Vaghina ma Jeikap ibaba inenae da maramatana wawayisi i ku dobu inekiibau.

Genesis 33:18

Ma vaghina, nakanani itupuwa da Jeikap mau Padan Aram ikiibutawei da inae ku Sekem kwanatuna Keinan dobuna kamonai. Ma i baba kamonai na biibiina kavakava. Kwanatu ririnai ina taki iyamoni ma i yobe itina da imakai.

Genesis 24:4

Kegha, kenae da aku ku dobu, aku rakaraka kurisi da nani dobunai wiwike sago kuna rutinapiyei da natuku kawana.”