Genesis 26:25 - God Vonana Vovokaravina

²⁵ Vaghina ma, Aisiki suwara kana kema iyamoni ma Bada ivokavakavari. Ma nani dobunai itupagigira da ina yobe itini ma ina bigabiga wawayisi dogo sago vuna iyabai.

Genesis 26:25 Referans Kwoze

Genesis 13:18

Vaghina ma Abram ina wawaya yavata i yobe irika ma inae. Ibaba da ku Hibron dobuna ma nani dobunai imakai. Hibron kamonai na kwanatu sago kana vava Mamre, ma ririnai na kii viya ivivi miimiiriyana, ivi matakira da tuna na gawara vovokaravina. Kiisi ririsiyai i yobe itina da imakai ma Abram suwara kana kema sago iyamoni da Bada ivovokavakavari.

Genesis 35:1

Mara sago God ivi sisiya Jeikap kurina, ivonei bo, “Kevomiiri kuna nae ku Betel da nani dobunai kuna makai. Ma nani dobunai suwara kana kema kevowai taku God kubiiku, taku rorova arumatara kurim maranai varesim Iso yabumanina kuveraverau.”

Genesis 33:20

Ma nani dobunai suwara kana kema iyamoni ma ivi vavei ‘El Eloye Israel.’

Genesis 22:9

Gawarina God ivonavonei na inekiibau nake ma wakima ivi daburi da suwara kana kema iyamoni ma keyama ikemai. Ikemai ikovi na natuna imana da kaena ikutatana ma ipewai da kema ma keyama tepanai ivi kenai.

Genesis 13:4

Nani gawarinai na namada suwara kana kema iyamoni imakamakai. Inekiibau na Bada ivokavakavari.

Genesis 8:20

Nani murinai Nowa wakima ivi daburi da suwara kana kema iyamoni. Ma meni ghamoghamosi ma kiusi Bada ivi vaghinei da suwara kubiine na kamosiyai viya iviinisi ma ivunuwa da suwara kana kema tepanai ikapuna, Bada God kurina isuwara.

Genesis 4:26

Seti imagura ma ivi tuwa da natuna tomowa. Ma ivi vavei Inos. Ma Seti ina mariyai na wawaya ivi karei da Bada kana vava ivovokavakavari.

Genesis 26:32

Inae ma murinai na Aisiki ina bigabiga wawayisi inekiibau ma ivonei da dogo sago iyabai. Nuwabiibiiyai ivona bo, “Okowa kapanani!”