Genesis 26:24 - God Vonana Vovokaravina

²⁴ Inekiibau ma nani didibarinai Bada irumatara kurina ma ivona bo, “Namada avonakiiyapa aku bigabiga Abraham kurina da tupurereghimi ina rakata, tuna kubiine ani biibiinim ma ana berai da nakanani ina tupuwa. Taku na am mamai Abraham ina God. Taku gwabimuwai, tuna kubiine ke kuna yabumana.”

Genesis 26:24 Referans Kwoze

Genesis 17:7

Ma aku vonakiiyapa bagibagina atereterei da weni vivaghinina tam ma tupurereghim kurimi aberaberai na ina makii nonowa da kimta ma kimta kurisi ina damadamana. Mara nonowa taku na am God ma bade tupurereghim i God.

Genesis 15:1

Nani murinai Abram, Bada mekeyuna ikitai da kurina ivivi sisiya, ivonei bo, “Abram, kam papara ana vowai. Tuna kubiine ke kuna yabumana. Ma am miiya ghamanakina ana verem.”

Apasol 7:32

‘Taku na am kaekiki mau Abraham, Aisiki ma Jeikap i God.’ Moses iyabumana kirakai da kiroro ivi karei ma ke kovokovoghina da ita tepa.

Genesis 24:12

Vaghina ma inipowana bo, “O, Bada God, tam aku bada Abraham ina God. Ainowi da kuni viteku da aviyavisina kubiine apisi na karako ana panani. Am nuwaviina aku bada kurina kuti debei.

Revelation 1:17

Akitai na ku maghinona apeku da avi kiiparoroweku. Ma katagheyanai ivororona da ku tepaku iterei ma ivona bo, “Ke kuna yabumana. Taku na Alfa ma Omega, bera karena ma bera damona.”

Genesis 28:13

Ma nani kiitetena damonai na Bada imiimiiri, ma ivonei bo, “Taku na Bada, am mamai Abraham da Aisiki i God. Ma weni tanona tepanai kekenakena na tam ma tupurereghim ana veremi.

Genesis 13:16

Ma ana berai da tupurereghim ina peyari kirakai da nakanani ma popoku. Ikikava wawaya ke kovokovoghina da popoku ini yavi na nakanani tupurereghim ini yava kavakavisi.

Hibru 13:6

Tuna kubiine nota rewapana gwabitiyai ma tavonavona bo, “Bada iviteku, tuna kubiine ke ana yabumana. Wawayota ke kovokovoghina da ina kiiviberoku.”

Luk 12:32

“Tami aku sipu yavona na ke kona yabumana, iyamna ami Mamai inuwabiibai da ina ku vikiivavona korui ma rewapana evereveremi da yavata koni kiivavo patapata.

Matiu 22:32

‘Taku na Abraham, Aisiki ma Jeikap i God.’ God na wawaya yawayawasisi i God, ke raborabobosi i God.”

Genesis 31:5

Jeikap kakawana ivonesi bo, “Akitai da ami mamai na ina bera ma ina yawasa na ke ita biibai taku kuriku kunona nakanani, ma kegha da aku mamai ina God na taku gwabikuwai emakamakai ma ekoyakoyaghiku.

Genesis 22:19

Ma vaghina, Abraham natuna yavata ivovirame ina bigabiga kurisi ma peyarisi inae ku Beyaseba da nani dobunai Abraham imakai.

Hibru 11:16

Ma ti na dobu kiimatana iekwekwai, i kayowana da i dobu vaghata na kunumai. Tuna kubiine God ke ita vivinimayesi ma ivi vaghinei da ti damsi kurina evonavona da tuna na i God. Ma kubiisi namada i kwanatu iyamoni ikovi.

Genesis 17:8

Karako na tam numataya Keinan dobuna kamonai. Ma mara sago weni dobuna kudubina ana veremi da tam ma tupurereghim murimuwai na ini rapena nonowei. Ma taku na i God.”

Genesis 21:17

God ivi yanei da tomowa kikei itutou na ina aneya kunumai ivi kwatu Heiga kurina, ivonei bo, “Heiga, aviyavisina ibero? Ke kuna yabumana. God ivi yanei da tomowa kikei ekenakena ma etutou.

Genesis 22:17

ani biibiinim ma ana berai da tupurereghim ina rakata kirakai da ti na nakanani ma gwamegwame kunumai bo gonugonu kikirai. Ma tupurereghim kii ghavighaviya ina ghegavovorisi da i kwanatu ini rapenei.

Genesis 28:3

Ainowi God Rewapana Kirakiina kurina da ini biibiinim ma ina berai da natunatum ina peyari ma am koroto ina rakata da dam sago ina tupuwa.

Genesis 28:15

Ma mike kuna nenae na taku yavata ma ani tarapaparanem ma ana viinim kuna vovira weni ku dobuna. Ma ke ana voterem da aviyavisina avonakiiyapa kurim na ana berai na vaghina.”

Genesis 30:27

Leiban ivona bo, “Aku sisiya kevi yanei, tam tepamuwai da Bada ivi biibiiniku da mura ghamanakina apanani. Kade gwabikuwai kuta makai mara gisina.

Genesis 46:1

Vaghina ma Jeikap ina sawara kudubina iviiya ma ina rakaraka irutinisi da ivomiiri ku Egypt. Inenae da inekiibau ku Beyaseba na isuwara ma ivokavakavara ina mamai Aisiki ina God kurina.

Genesis 39:2

Josepa ina bada vuna na Egypt wawaya ma ina numa kamonai imakamakai ma ivovobagibagi. Ma Bada na Josepa gwabinai, tuna kubiine ivi biibiini da bera peyarina iberaberai na biibiina kavakava.

Genesis 39:3

Potipa ikitai da Bada gwabinai ma biga biibiina eberaberai.