Genesis 24:14 - God Vonana Vovokaravina

¹⁴ Kevi matakira kuriku da meni wiwikena kurina ati nowi bo, ‘Kade am kibubu kuta tereoruwei da atuma.’ Ma ita vonapoteku bo, ‘Kiuma ma bade am kamel kubiisi anivu da ani umiisi.’ Nakanani ini sisiya na anakovi da tuna wiwikena kuvinei da am bigabiga Aisiki kubiine. Nakanani kuna berai na am nuwaviina aku bada kurina kuni debei.”

Genesis 24:14 Referans Kwoze

Genesis 15:8

Ma Abram ivona bo, “O Bada, bera kudubina na tam kibadei. Ma kade, matakira kuta vereku da atakovi da weni dobuna ani rapenei.”

Rome 1:10

Ma namadani kava aberabera tovoni da ata kitimi, tuna kubiine aku nipowana kamonai mara nonowa God kurina ainowi da ini vaghinei na ana pisi kurimi.

Genesis 24:44

Mikeda ina vonapoteku bo, “Kiuma ma bade am kamel kubiisi anivu da ani umiisi,” na anakovi da tuna wiwikena kuvinei da aku bada natuna kawana.’

Genesis 24:13

Kekitiku, taku weni dogona baranai amiimiiri ma weni kwanatuna damsi natunatusi wivinesi ekiikiibau okowa inivu.

Genesis 24:15

Karakava da ina nipowana iti kovini na Rebeka ina kibubu katagheyanai ikavaravaghai ma meyagai ikiibutawei. Wiwikena ina mamai na Betuwel, ina kwabura na Milka, ma ina doboro na Nayo, tuna na Abraham tina kikei.

Genesis 24:18

Ivona bo, “Vaghina, bada, kiuma.” Ma yaghiyaghinai ina kibubu itereoruwei ma ivovigewai da bigabiga tomowina iuma.

Genesis 24:19

Iuma ikovi ma wiwikena ivona bo, “Bade, am ghamoghamo kubiisi anivu da ani uma dodosi.”

Genesis 24:43

Kekitiku, taku weni dogo baranai amiimiiri ma wavine wiwikena sago ina pisi okowa itivu kubiine na ani nowi kurina bo, “Kade am kibubu kuta tereoruwei da atuma.”