Genesis 22:1 - God Vonana Vovokaravina

¹ Mara sago God inae Abraham kurina da ita rubui. Ikwatu, ivona bo, “Abraham!” Ma ivonapotei bo, “Taku weni.”

Genesis 22:1 Referans Kwoze

Hibru 11:17

Abraham ina vitumaghana kubiine na ivotekateka da natuna Aisiki iti suwara maranai God irubui. God ina vonakiiyapa bagibagina namada Abraham iverei da ivona bo, “Aku vonakiiyapa bagibagina da tupurereghim vaghata na natum Aisiki kava gwabinai.” Ma kegha da Abraham ivovunagha ikovi da natuna sago kava Aisiki ita kiivunui da ita suwara.

1 Pita 1:7

Nani nuwapoyisi enenekiibau kurimi na ini debemi da ami vitumaghana na vitumaghana vaghata bo kegha. Nakanani ma gold wakimina ita karavunaghi da muguna ita kara yavui ma gold kava ita makamakai. Ma gold na mura ghamana dobuwai ma kegha da mara damona ina wapa. Ma ami vitumaghana iyamna irakata da gold ighekuyowei. Ami vitumaghana ini rewapana na maranai Yesu Keriso ina mara ghamana ina nekiibau, vigheghena ma kadara ma vokarava kona viiya.

Jemes 2:21

Ita kaekiki Abraham konotanotai bo kegha? Natuna Aisiki suwara kana kema tepanai iterei da ita suwara, tuna kubiine God ivona da tuna na wawaya maninina.

1 Korint 10:13

Ruyagha ikikava kopanapanani na maghimaghighina mara nonowa wawaya peyarisi nakanani epanapanani. Ma God na biibiina da ikikava vonakiiyapa bagibagina iterei da ini viteta na nakanani ina berai. Ini vitemi da ruyagha ke ina rakata kirakai da ami rewapana ina ghekuyowei. Ma bade keta ini beyemi da ruyagha kona veruvuvurei ma yawasa maninina kamonai kona miirikikina.

Genesis 22:11

Ma kegha, kunumai Bada ina aneya irukwatu kurina, “Abraham, Abraham!” Ma Abraham ivonapotei bo, “Taku weni.”

Genesis 22:7

na Aisiki ivona bo, “Mamai?” Abraham ivona bo, “Natuku, avai?” Ma Aisiki ivona bo, “Akitai da kii karakarata ma keyama bawana na weni, ma suwara kana sipu na imapatana?”

Genesis 15:1

Nani murinai Abram, Bada mekeyuna ikitai da kurina ivivi sisiya, ivonei bo, “Abram, kam papara ana vowai. Tuna kubiine ke kuna yabumana. Ma am miiya ghamanakina ana verem.”

Genesis 21:11

Weni sisiyina kubiine Abraham nuwanuwana ipoya kirakiiyei, iyamna Ismayel na bade natuna.

Genesis 37:13

Muriyai Josepa ina mamai ikwatui ma ivonei bo, “Ana vonatawem kuna nae ku Sekem da varevaresim ghamoghamo ekoyakoyaghisi na kuna kitisi.” Ivonapotei bo, “Vaghina, ana nae.”

Genesis 46:2

Ma nani didibarinai na ina kena kamonai na God ivi sisiya kurina, ivona bo, “Jeikap, Jeikap!” Ma ivonapotei bo, “Taku weni.”