Genesis 21:17 - God Vonana Vovokaravina

¹⁷ God ivi yanei da tomowa kikei itutou na ina aneya kunumai ivi kwatu Heiga kurina, ivonei bo, “Heiga, aviyavisina ibero? Ke kuna yabumana. God ivi yanei da tomowa kikei ekenakena ma etutou.

Genesis 21:17 Referans Kwoze

Genesis 16:11

Ma ku tepana ivona bo, “Kuni tuwa da natum tomowa ma kuni vavei Ismayel, iyamna Bada sisiya ivi yanei da tam nuwapoya kamonai.

Mak 5:36

Ma Yesu ivi yanatawesi ma Jairas kurina ivona bo, “Ke kuna yabumana. Kevi tumaghaneku.”

Matiu 15:32

Yesu kana kivikivina ikwaturiyariyesi ma ivonesi bo, “Weni wawayisi aikamyuyuwesi, iyamna mara aroba yavata tamakamakai ma kii vavai kegha. Ke ata kayokayowei da ere vitonarisi ana vonatawesi da ketiyai ina kayoparoro.”

Genesis 46:3

Ma God ivona bo, “Taku na God, am mamai ina God. Ke kuna yabumana da kunoru ku Egypt, iyamna nani dobunai ana berim da tupurereghim ina rakata da dam ghamana ina tupuwa.

Genesis 16:9

Ma Bada ina aneya ivonei bo, “Kevovirame am bada wavinena kurina ma kevotekatekei.”

Genesis 15:1

Nani murinai Abram, Bada mekeyuna ikitai da kurina ivivi sisiya, ivonei bo, “Abram, kam papara ana vowai. Tuna kubiine ke kuna yabumana. Ma am miiya ghamanakina ana verem.”

Genesis 16:7

Iverau da ku vusira sago warereyai, nani vusirina na keta enenae ku Sura kwanatuna na baranai. Ma Bada ina aneya inekiibau kurina.

Genesis 22:11

Ma kegha, kunumai Bada ina aneya irukwatu kurina, “Abraham, Abraham!” Ma Abraham ivonapotei bo, “Taku weni.”

Genesis 24:7

Bada God kunumai ikwatuku da aku mamai ina rakaraka ma aku dobu vaghata akuyowesi. Ma ivonakiiyapa kuriku da weni dobuna na tupurereghiku ina veresi da ini rapenei. Ma ina aneya ina vonatawei ini nao nake ini vitem da wiwike sago kuna panani da natuku kawana.

Genesis 26:24

Inekiibau ma nani didibarinai Bada irumatara kurina ma ivona bo, “Namada avonakiiyapa aku bigabiga Abraham kurina da tupurereghimi ina rakata, tuna kubiine ani biibiinim ma ana berai da nakanani ina tupuwa. Taku na am mamai Abraham ina God. Taku gwabimuwai, tuna kubiine ke kuna yabumana.”

Genesis 16:8

Ivona bo, “Heiga, tam Serai ina bigabiga wavinem, mimei kupisi ma mike kenenae?” Ma ivonapotei bo, “Aku bada wavinena ivivi tupaketowaneku na averau.”