Genesis 19:21 - God Vonana Vovokaravina

²¹ Ma aneyina ivonapotei bo, “Vaghina, aivaghinei. Nani meyagina ke ana kiipupunatawei.

Genesis 19:21 Referans Kwoze

Hibru 2:17

Tuna kubiine ivi wawayota da tuna na varevaresina ma novunovuna nakanani. Ma biga iviiya da tuna God ina suwara kapuna badana. Ma bigana kamonai ivi patutu kirakai ma wawaya ivi kamyuyuwa kirakiiyesi da kubiisi ivi suwara da God ina nuwapughu ita vovinubai da i berabero ita notatawei.

Luk 11:8

Avonavonemi, nakanani ita vonapotem ma kegha da ina vomiiri da puwata ina verem. Avi kubiine? Ke tam kwinana kubiine da ini vitem ma kuvi nowi kirakai, kuvi tepatora ma ke kutinimaya, tuna kubiine ina vomiiri ma am nuwapoya kudubina ina berai.

Matiu 12:20

Ke ina berai da wawaya vivikamyuyuwisi i nota ina peku, Ke ina berai da wawaya mitamitasi kii vita ini taratatanei. Nakanani ina beraberai da mara sago bera kudubina ina ghegavovori ma ini maniniya.

Genesis 18:24

Ma kade wawaya maninisi ivi 50 kava kwanatuna kamonai na ikikava? Nani wawayisi maninisi ivi 50 notasiyai na kwanatuna kuna nuwaghanei bo kuna kiipupunatawei?

Genesis 12:2

Ana berim da tupurereghim ina peyari da am dam ina rakata. Ani biibiinim, ma ana berai da kam vava ina rakata kirakai. Aku vibiibiina gwabimuwai ina makai, tam tepamuwai da wawaya nani vibiibiinina ina viiya.

Genesis 4:7

Bera biibiisi kuna beraberai na ana kayowem. Kekitaruvim. Berabero ekayokayowei da ini badem, ikoyakoyagha da ina vowim. Kevi rewapana da kuna ghegavovori.

Genesis 19:20

Kekitai, nokoni meyagina gisina na ke ita rabaraba. Kevi vaghinei da nake ana verau. Tuna na meyagi gisi korekorena ma nani dobunai ana yawasa.”

Genesis 19:22

Ma, yaghiyaghinai koverau! Ke kovokovoghina da aku biga ana berai da nake kona nekiibau.” Lot ivona da kwanatuna na gisina. Tuna kubiine wawaya ivi vavei Sowa, vavana iyamna ‘gisina.’