Genesis 19:18 - God Vonana Vovokaravina

¹⁸ Ma Lot ivona bo, “Kegha, babada. Ke kovokovoghina da ana verau ku koya.

Genesis 19:18 Referans Kwoze

Apasol 10:14

Ma Pita ivonapotei bo, “Bada, ke kovokovoghina! Ke meyani aku yawasa kamonai siya dowadowasi bo puyapuyakisi ata kani, iyamna Moses ina vonaviyoyovana anununura bubuna.”

Apasol 9:13

Ma Ananayas ivonapotei bo, “Bada, nani tomowina sisiyina avi yanei da vitumaghana damsi Jerusalem kamonai ivivi agaberowesi.

Genesis 32:26

Muriyai tomowina ivona bo, “Mara ikwata ma kevotereku ana nae.” Ma Jeikap ivonapotei bo, “Kuni biibiiniku na ana voterem da kuna nae.”

Genesis 19:17

Ikiibau na aneya sago ivonesi bo, “Koverau! Ami yawasa koekwai! Ma ke kona tavire ma ke warereyai koni kiimiiriyemi. Koverau, ku koya kona ghae da ke kona rabobo.”

Genesis 19:19

Namada bera ghamanakina kuberai da kuvi yawasiku ma, koya irabaraba kirakai. Keta borinai Sodom kana kovogha na taku yavata ina kamowaniku da ana rabobo.