Genesis 19:15 - God Vonana Vovokaravina

¹⁵ Mara itomtom na nani aneyisi ivi ruwa Lot idarudarui, ivonavonei bo, “Kovi yaghiyaghina! Kovomiiri, kawam da natunatum wiwikesi ruwa kerutinisi da weni dobuna kokiibutawei. Ke kona verau na kwanatu kana kovogha kana vereverei na nani kamonai tami bade kona rabobo.”

Genesis 19:15 Referans Kwoze

Revelation 18:4

Ma bade gamo sago kunumai ioru avi yanei, ivona bo, “Aku wawaya, kokiibau. Babilon kokiibutawei. Ina berabero kudubina kobarei, ke kona beraviiviiyei. Kona barei na bade kana kovogha kona takuputei.

2 Korint 6:2

God ivona bo, “Marana vaghata ipisi da ati vitemi na ami tou avi yanei, ma marana ipisi da ati yawasimi na aberai.” Ma kovi yana, wekarakava na marana vaghata, God ini vitemi. Karako na marana inekiibau da God ini yawasimi.

Genesis 19:22

Ma, yaghiyaghinai koverau! Ke kovokovoghina da aku biga ana berai da nake kona nekiibau.” Lot ivona da kwanatuna na gisina. Tuna kubiine wawaya ivi vavei Sowa, vavana iyamna ‘gisina.’

Genesis 19:17

Ikiibau na aneya sago ivonesi bo, “Koverau! Ami yawasa koekwai! Ma ke kona tavire ma ke warereyai koni kiimiiriyemi. Koverau, ku koya kona ghae da ke kona rabobo.”

Genesis 19:14

Vaghina ma Lot inae da natunatuna wiwikesi kii vopapara ivonesi bo, “Kovi yaghiyaghina da weni dobuna kona kiibutawei. Gisina kava ma Bada weni kwanatuna ina kiipupunatawei.” Ma rawarawana inotai da ita vivinama.

Genesis 19:16

Lot ina nota iragharagha tuna kubiine aneyisi imana iviiya ma kawana da natunatuna ruwa imasi yavata iviiya ma irutinisi, ivi nowesi ikiibau kwanatu ku kupuna. Bada ivi kamyuyuwesi da ivi yawasisi.