Genesis 19:12 - God Vonana Vovokaravina

¹² Tomotomowisi ivi ruwa Lot ivi tarakiiyanei bo, “Kade am wawaya viya weni kwanatuna kamonai bo kegha? Natunatum bo rawarawam bo am rakaraka sago emakamakai na kerutinisi da kwanatuna kokiibutawei.

Genesis 19:12 Referans Kwoze

Genesis 7:1

Bada ivona bo, “Nowa, akitim da tam kava dobu kamonai am yawasa na maninina kavakava. Tuna kubiine tam, kawam ma natunatumi, kakawasi yavata korui ku waka.

Revelation 18:4

Ma bade gamo sago kunumai ioru avi yanei, ivona bo, “Aku wawaya, kokiibau. Babilon kokiibutawei. Ina berabero kudubina kobarei, ke kona beraviiviiyei. Kona barei na bade kana kovogha kona takuputei.

2 Pita 2:7

Ma nani kamonai God na Lot kana papara ivowai, iyamna Lot na tomowa maninina ma Sodom wawayisi kamosiyai imakamakai ma i bera dowadowasi ikitakitai na ivi nuwapoya kirakiiyei.

2 Pita 2:9

Weni berasi ivi debei kurita da Bada iakovi da ikikava ina wawaya nuwapoya kamonai ini yawasisi. Ma iyavo kava ikawakiikiiyei na namada ivi karei da kii kovogha evereveresi, nakanani ina beraberai da vitupavira kana ku mara.

Genesis 19:17

Ikiibau na aneya sago ivonesi bo, “Koverau! Ami yawasa koekwai! Ma ke kona tavire ma ke warereyai koni kiimiiriyemi. Koverau, ku koya kona ghae da ke kona rabobo.”

Genesis 19:22

Ma, yaghiyaghinai koverau! Ke kovokovoghina da aku biga ana berai da nake kona nekiibau.” Lot ivona da kwanatuna na gisina. Tuna kubiine wawaya ivi vavei Sowa, vavana iyamna ‘gisina.’

Genesis 19:14

Vaghina ma Lot inae da natunatuna wiwikesi kii vopapara ivonesi bo, “Kovi yaghiyaghina da weni dobuna kona kiibutawei. Gisina kava ma Bada weni kwanatuna ina kiipupunatawei.” Ma rawarawana inotai da ita vivinama.

Genesis 19:11

Muriyai ivi ruwa bera sago iberai da tomotomowisi kupunai ivowisi, matasi ikiipotai da kudubisi, yarayaragisi ma magumagurisi yavata na matuketa iekwa kavai.

Genesis 19:13

Weni kwanatuna kana kiipupunatawei. Bada sisiya ivi yanei da Sodom kamonai wawaya i berabero ibero kirakai. Tuna kubiine ivonatawekai da kana kiipupunatawei.”