Genesis 18:11 - God Vonana Vovokaravina

¹¹ Abraham da Sera imagura kirakai, ma Sera inota meyei da tuna imorapa da vituwa kana mara ikovi.

Genesis 18:11 Referans Kwoze

Genesis 17:17

Ma Abraham itawotei da maghighina ioru ku tano. Ma inota meyei da ivivi nama. Ivona bo, “Kade tomowa ina morapa da kana madegha 100 na ini tuwa bo? Ma bade Sera imorapa da kana madegha 90 na kade ini tuwa bo?”

Hibru 11:19

Inotai da Aisiki ita rabobo na kovokovoghina da God ita berai da rabobowai ita vomiiri. Ma aviyavisina itupuwa Aisiki kurina, tuna na nakanani ma ita rabobo ma bade ita vomiiri.

Luk 1:36

Ma bade am tuwa Elisabet ini tuwa. Imagura kirakai ma wawaya inotanotai da tuna na gagarina ma kegha da gisina kava ini tuwa da natuna tomowa. Wekarakava kana nawaravi na miikovimasago.

Luk 1:18

Ma Zekaraya aneyina ivi tarakiiyanei bo, “Ikikava anakovi da vonavaghata? Taku kawaku yavata kamorapa kirakai.”

Luk 1:7

Ma natusi kegha, iyamna Elisabet na gagarina ma kawana yavata imorapa kirakai.

Genesis 31:35

Risera ina mamai ivonei bo, “Aku bada ke nuwanuwam ina pughu, taku ke ruvaruvana maghinomuwai ana vomiiri, taku na nawaravi aviiya.” Ma Leiban iekwa da ke sago ina kokoitau ita panani.

Genesis 17:24

Tuna maranai Abraham kana madegha 99 na kwimata bekana ituviviratawei

Genesis 21:7

Ma ku tepana ivona bo, “Rorova wawaya ita pisi kawaku ita vonei da taku mani natuku ati susui na kata nota kavakavai. Ma kegha, kawaku moramorapina ma natuna tomowina avi tuwei da weni.”

Genesis 24:1

Abraham na kana madegha ine kirakai da imorapa ma mara nonowa Bada ina vibiibiina gwabinai da ina yawasa kamonai na biibiina kavakava, kesago nuwapoya ita panani.

Genesis 24:36

Ma aku bada Abraham kawana Sera imagura kirakai ma kegha da ivi tuwa da natuna tomowa, kana vava na Aisiki. Ma Abraham ina mura kudubina na ivi damani natuna kurina.