Genesis 17:21 - God Vonana Vovokaravina

²¹ Ma vivaghina makamakiina na ke Ismayel yavata. Nokon ku madeghina Sera natum Aisiki ini tuwei ma muriyai na tuna yavata vivaghina makamakiina kana berai.”

Genesis 17:21 Referans Kwoze

Gareisiya 3:29

Tami Keriso rapenai na tami Abraham tupurereghina ma God ina vonakiiyapa bagibagina Abraham kurina iterei na kurimi ina damana.

Genesis 18:10

Ma Bada God ivona bo, “Maram madeghinai ana vovira ana kitimi. Muriyai da ana pisi na kawam ini tuwa da tomowa.” Ivivi sisiya na Sera murisiyai, yobe kamonai ivivi yanesi.

Hibru 11:9

Ma ina vitumaghana kubiine nani dobunai imakamakai da nakanani ma dobu viruwa wawayina. Ma kegha da ivi tumaghana da ikikava God vonakiiyapa bagibagina iterei na nakanani ina berai. Ikikava yobe kamonai imakamakai na nakanani bade natuna Aisiki ma tupuna Jeikap imakai. Ma God nani vonakiiyapina Abraham kurina iberai na ivi damani Aisiki da Jeikap kurisi.

Rome 9:9

iyamna weni nakanani God ivonakiiyapa Abraham kurina. “Marana vaghata ina nekiibau na ana vovira kurim. Muriyai da ana pisi na kawam Sera ini tuwa da tomowa.”

Apasol 1:7

Ma Yesu ivonapotesi bo, “Aku Mamai tuna kava ibada da nani marana itereterei ma ke tami ami biga da akovina kota viiya.

Luk 1:72

Ita kaekiki ivonesi da ini kamyuyuweta, Ma ina vivaghina makamakiina ma vovokaravina kurita iterei na ke ini notawapei.

Luk 1:55

Vonakiiyapa bagibagina iterei Abraham ma tupurereghina kurisi, Tuna sisiyina ita kaekiki mau kurisi iberai na enununuri.”

Genesis 46:1

Vaghina ma Jeikap ina sawara kudubina iviiya ma ina rakaraka irutinisi da ivomiiri ku Egypt. Inenae da inekiibau ku Beyaseba na isuwara ma ivokavakavara ina mamai Aisiki ina God kurina.

Genesis 48:15

Ma Josepa na ke iti nuwabiibai, ikitai da ina mamai katagheyana Eperaim ku gayamina tepana iterei. Tuna kubiine ina mamai imana ivotani ma ina kayowana da Eperaim gayaminai ita votawei da Manase ku gayamina ita terei. Ma Josepa ina mamai ivonei bo, “Kegha mamai, ke nakanani, weni tuna na iyarokona katagheyam ku gayamina keterei.” Ma kegha, ina mamai ke iti vaghinei ma ivona bo, “Akovi, natuku, akovi. Ma tuna bade tupurereghina ina rakata kirakai. Ma kegha da tina kikei ina rewapana ina rakata kirakai ke iyarokona nakanani. Ma tupurereghina ina rakata da kamosiyai dam ma dam ina tupuwa.” Nani murinai na Josepa natunatuna yavata ivi biibiinisi ivona bo, “Ainowi da God ini biibiinimi. Aku doboro Abraham da aku mamai Aisiki na God ivokavakavari ma i yawasa kamonai ivotekatekei. Ma bade God na taku kaku koyakoyagha, aku yawasa karenai da weni ku marana ivi noweku. Ma ina aneya ivivi tarapaparaneku da berona ke ata panana tovoni. Ainowi da weni ededisi ini biibiinisi! Ainowi da ti na kaku vava ma Abraham da Aisiki kii vava ina voviteteyanei. Ma ainowi da dobuwai i koroto ina rakata kirakai.”

Genesis 17:19

Ma God ivona bo, “Vaghina, Ismayel ani biibiini. Ma aku vivaghina makamakiina na ke tuna yavata kana berai. Kawam Sera ini tuwa da natum tomowa sago ma kuni vavei Aisiki. Ma akii viruwa vivaghina makamakiina kana berai da nani vivaghinina na ina makii nonowa da tupurereghina yavata nani kamonai.

Genesis 18:14

Bada kurina bera kudubina itekateka kirakai. Ikikava avonemi na ina tupuwa. Murina madeghinai ana vovirame. Muriyai da ana pisi na kawam ini tuwa da tomowa.”

Genesis 21:1

Bada ina agabiibai Sera kurina irakata da ikikava ivonakiiyapa na iberai.